ደቂ ዳዊት፦ ንጉሳዊ ቤተሰብ ኣቦ
ደቂ ዳዊት በብኣዲኦምን በብቦታ ልደቶምን ተዘርዚሮም ኣለዉ፥ ሽዑ እቲ ዙፋን ካብ ሰሎሞን ክሳዕ ኢዮስያስ በብስሙ ይሓልፍ፥ ናብ ምርኮ ኸዓ ምስ ኢኮንያን እቲ ምሩኽ ትኽ ኢሉ ይኣቱ። እቲ ሓረግ ኣብኡ ጠጠው ኣይብልን፤ ብሕቡእ ደኣ ብዘሩባቤል ኣቢሉ ክሳዕ እቶም ድሕሪ ባቢሎን ዝተወለዱ ሰባት ይቕፅል።
3 1ደቂ ዳዊት እቶም ኣብ ኬብሮን ዝተወለዱሉ እዞም ዝስዕቡ እዮም፦ በዅሩ ኻብ ኣሒኖዓም በዓልቲ ኢይዝራኤል ዝተወለደ ኣምኖን፤ ካልኣዩ ኻብ ኣቢግያ በዓልቲ ቀርሜሎስ ዝተወለደ ዳንኤል፤ 2ሳልሳይ ኣቤሴሎም ወዲ መዓካ ጓል ታልማይ ንጉስ ጌሹር፤ ራብዓይ ኣዶንያስ ወዲ ሓጊት፤ 3ሓምሻይ ካብ ኣቢጣል ዝተወለደ ሰፋጥያስ፤ ሻድሻይ ካብ ዔግላ ሰበይቱ ዝተወለደ ይትረሃም። 4እዞም ሽዱሽተ ኣብ ኬብሮን ተወለዱሉ፤ ኣብኡ ድማ ሸውዓተ ዓመትን ሽዱሽተ ወርሕን ነገሰ፤ ኣብ ኢየሩሳሌም ከዓ ሰላሳን ሰለስተን ዓመት ነገሰ። 5እቶም ኣብ ኢየሩሳሌም ዝተወለዱሉ ድማ፦ ሳሚዓ፥ ሶባብ፥ ናታን፥ ሰሎሞን፤ እዞም ኣርባዕተ ኻብ ቤትሹዓ ጓል ዓሚኤል ተወለዱ፤ 6ኢያቤሓር፥ ኤሊሳማ፥ ኤሊፋላት፥ 7ኖጋ፥ ናፌቅ፥ ያፍያ፥ 8ኤሊሳማ፥ ኢሊዳሄ፥ ኤሊፋላት፤ ኵሎም ትሽዓተ እዮም። 9እዚኣቶም ኵሎም ደቂ ዳዊት እዮም፤ ብዘይ ደቂ እተን ኣንስቱ ወሰን፤ ትእማር ከዓ ሓፍቶም ነበረት።
10ወዲ ሰሎሞን ሮብዓም፤ ኣብያ ወዱ፥ ኣሳ ወዱ፥ ኢዮሳፍጥ ወዱ፥ 11ኢዮራም ወዱ፥ ኣካዝ ወዱ፥ ኢዮኣስ ወዱ፥ 12ኣማስያስ ወዱ፥ ኣዛርያስ ወዱ፥ ኢዮኣታም ወዱ፥ 13ኣካዝ ወዱ፥ ሕዝቅያስ ወዱ፥ ምናሴ ወዱ፥ 14ኣሞን ወዱ፥ ኢዮስያስ ወዱ። 15ደቂ ኢዮስያስ፦ በዅሩ ዮሃናን፥ ካልኣዩ ኢዮአቄም፥ ሳልሳይ ሴዴቅያስ፥ ራብዓይ ሳሉም። 16ደቂ ኢዮአቄም፦ ኢኮንያን ወዱ፥ ሴዴቅያስ ወዱ።
17ደቂ ኢኮንያን እቲ ምሩኽ፦ ሰላትያል ወዱ፥ 18መልክራም፥ ፈዳያ፥ ሸናሶር፥ ይቃምያ፥ ሆሻማ፥ ነዳብያ። 19ደቂ ፈዳያ፦ ዘሩባቤልን ሳሚን። ደቂ ዘሩባቤል፦ መሱላምን ሃናንያን፥ ሰሎሚት ከዓ ሓፍቶም፥ 20ሃሱባ፥ ኦሄል፥ በረክያ፥ ሃሳድያ፥ ዩሻብሔሰድ፤ ሓሙሽተ። 21ደቂ ሃናንያ፦ ፈላጥያን ኢሳይያን፤ ደቂ ሬፋያ፥ ደቂ ኣርናን፥ ደቂ ኣብድዩ፥ ደቂ ሰካንያ። 22ደቂ ሰካንያ፦ ሳማያ። ደቂ ሳማያ፦ ሃጡስ፥ ይግዓል፥ ባርያ፥ ነዓርያ፥ ሳፋጥ፤ ሽዱሽተ። 23ደቂ ነዓርያ፦ ኤልዮዔናይ፥ ሕዝቅያ፥ ዓዝሪቃም፤ ሰለስተ። 24ደቂ ኤልዮዔናይ፦ ሆዳውያ፥ ኤልያሺብ፥ ፈላያ፥ ዓቁብ፥ ዮሃናን፥ ደላያ፥ ዓናኒ፤ ሸውዓተ።