Kemethi Tüsako mu Mha Kedi Kemesa Kehü
Kechothe tüsalü thüma utho kekhrüko, pesa mu retsüketi kekhrüko, kemesa kemelü kehü zhoo khi vele keku jü mela kemiko keyi süto. Timothy kha keva süo mha kethepu zo mo, vele mha meshopü zo: no melüyi keva lü ba zoyite, mu ha Po celü phra kümüzü thejo süo Kemeziko lü ba zoyite, süko pü teku süyo.
3 1Vele hiohi seyite: kechothe tüsako lü kemethi timesho vorito. 2Kekrelamori thüma utho kekhrüko, pesa kekhrüko, kemeha, retsüketi, mejo kethi, ukrü jü zü kemo, kesu kemelü, kemesakemo tüto. 3Kemelü kedi, midepü kemo, mishemeli kethi, ukethükerü kemo, kenyo, mhakeve ngokemu, 4mikheketso kethi, mha meho menyü, lükerükrü de kethi, ha Po kekhrü ce veku utho umenyü kekhrüko tüto. 5Uko Jihova kemesa kehü zhoko khi, vele keku jü mela tate; süko celü reniyite. 6Kekrelamori süko dolü humi ba, uko ucelü ta kedoyi süva die, kephoma po meza vamo thathi thenopüko tüpü süyo, uko variyi menyüko po süvato. 7Tüsozho lesi ba, vele küthoo seyi lü rata tayi homo. 8Jannes mu Jambresni Moses zü thatha libi, süko ri küthoo zü thatha; uko lüdo jü merho, melü zalü kedü kevami tüta. a a v8 Jannes mu Jambres hi Moses zü thatha ketao Egypt kemedu ketimiko la Jew miko ketüba thi kebiketa zazo (Exodus 7–8 seyite). 9Vele uko hirekri ta kemo, kekrelamori süko kenyo thüma metüce mese bato, süni mipü kenani la ngoyo libi.
Poo Jüpolü Münuyite
10Vele noe a metha, a mhatho, a mharhü, a melü, a pati, a kekhrü, a sügüsühe meji tate, 11a müthimünyi mu a kemethi kekro—Antioch lü, Iconium lü, Lystra lü, dithedü müthimünyi I khipü vata! Vele Niepooe süo metü celü a külasüto. 12Kethozo, Khrista Jisulü kemesa zho khiyi menyü kehopüri metü müthimünyi süyito, 13vele matho kemoko mu midokütsümiko kesu celü suku ce vo bato, uko mi kedo, mu uko ri kedo süyo. 14Vele no—süce celü no lesida no seyi de, no lesida mu no reshujü melütü keta zü bazote, 15mu no natsi tüce celü kemesa lesiko no se bata, süo Khrista Jisulü melü keyilü kelayi la no mhase thiyi veo. 16Lesi metü ha Po süshü celü vorizo—metha la, mha kesu mese sü la, hunehu la, mu kemezi zho khiyi rünyi la mhathiyi küshü, b b v16 Lesi hi ha Po utho u süshü zo—mha rezhü keba therü kha kesü jü mori, vele u nuneko ce po kerhü ba Poo jüpo zo. 17sizi loo ha Po thüma pethi te, mhatho keve mütüko la kreküyi te.
