Matukũ Maritũ na Kwĩyamũrĩra kwa Tũhũ
Mĩthenya ya mũthia ĩkaiyũra andũ arĩa mendete o ene, na mbeeca, na maũndũ ma gũkenia mwĩrĩ, o makĩgwatĩria mũhiano wa ũthaithi wa nja. Ũgitĩri wa Timotheo ti ũndũ mwerũ, no nĩ gũtũũria o kĩrĩa kĩarĩ: ikara na kĩrĩa warutire, na Maandĩko marĩa maahuhirwo nĩ Ithe witũ, marĩa mamũiganĩrie biũ.
3 1No menya ũndũ ũyũ: matukũinĩ ma mũthia nĩgũkaagĩa na mahinda maritũ. 2Amu andũ magaatuĩka eyendi, endi a mbeeca, egaathi, etĩĩi, arumani, arĩa mataathĩkagĩra aciari ao, matarĩ ngaatho, na matarĩ atheru. 3Matarĩ tha, matangĩrekanĩra, acambania, matangĩĩhotora, arĩa marĩ ũũru, arĩa mathũire maũndũ marĩa mega, 4akunyanĩri, a mũhũ, arĩa maiyũrĩte mwĩtĩĩo, endi a ikeno handũ ha gũkorwo marĩ endi a Ithe witũ. 5Nĩ moonanagia mũhianĩre wa kwĩyamũrĩra Ngai, no makaana hinya wakuo—wĩtheme andũ ta acio. 6Amu thĩinĩ wao nĩ harĩ arĩa meyonyoragia mĩciĩinĩ na makanyiita atumia arĩa matarĩ hinya, arĩa maritũhĩirwo nĩ mehia, magĩtwaragĩrĩrio nĩ merirĩria ma mĩthemba mĩingĩ. 7Mathomaga hĩndĩ ciothe no matingĩhota gũkinya kũũĩ ũhoro wa ma. 8O ta ũrĩa Janesi na Jamburesi maaregire Musa, noguo andũ aya o nao mareganaga na ũhoro wa ma—meciiria mao nĩmathũkĩte, na nĩmaregetwo ũhoroinĩ wa wĩtĩkio. a a v8 Janesi na Jamburesi nĩmo marĩĩtwa marĩa Ayahudi maamenyerete gũĩta arogi a bũrũri wa Misiri arĩa maaregire Musa (rora Thaama 7–8). 9No matigaathiĩ na mbere mũno, nĩgũkorwo ũrimũ wao nĩũkoonania kũrĩ andũ othe, o ta ũrĩa gwatuĩkire harĩ arũme acio eerĩ.
Tũũra Kiugoinĩ kĩa Ithe witũ
10No wee, nĩũrũmĩrĩire ũrutani wakwa, mĩthiĩre yakwa, muoroto wakwa, wĩtĩkio wakwa, gũkirĩrĩria gwakwa, wendo wakwa, na gũũmĩrĩria gwakwa, 11na kũnyariirwo gwakwa na mathĩĩna makwa—kũu Anitiokia, na Ikonia, na Lysitera, nĩ kũnyariirwo kũrĩkũ ndakirĩrĩirie! No rĩrĩ, Mwathani nĩaahonokirie kũrĩ mo mothe. 12Ti-itherũ, arĩa othe mendaga gũtũũra mũtũũrĩre wa kwĩyamũrĩra Ngai thĩinĩ wa Kristũ Jesũ nĩmakaanyariirwo, 13nao andũ aaganu na aheenania magaathiĩ na mbere gũthũka makĩria, makĩheenagia na makĩheenagio. 14No wee, tũũra ũrũmĩte maũndũ marĩa werutire na ũkĩmetĩkia biũ, ũkĩmenyaga ũrĩa wamarutirwo nĩwe, 15na atĩ kuuma ũrĩ o kaana, nĩũũĩ Maandĩko marĩa matheru, marĩa mangĩhota gũgũtũma ũgĩe na ũũgĩ wa gũgũkinyia ũhonokioinĩ na njĩra ya wĩtĩkio thĩinĩ wa Kristũ Jesũ. 16Maandĩko mothe nĩmahuhĩtwo nĩ Ithe witũ—na nĩ ma bata wa kũrutana, kũonania mahĩtia, kũrũngĩrĩria, na kũmenyeria andũ mĩtũũrĩre mĩthingu, b b v16 Maandĩko nĩ mĩhũmũ ya Ithe witũ we mwene — ti watho wa ngai ũrĩ kũraya, no nĩ kiugo kĩrĩ muoyo kĩa Ithe ũrĩa waragĩria ciana ciake. 17nĩ geetha mũndũ wa Ithe witũ akinyanĩre kũna, ahaarĩirio nĩ ũndũ wa wĩra o wothe mwega.