Ny Roa Ambin’ny Folo an’ny Ray: Ny Zanak’Israely

Mihena haingana ny lisitra: amin'ireo zanakalahy roa ambin'ny folo an'Isiraely, i Joda no omena toerana. Mizotra amin'i Fareza zanak'i Tamara izy ka hatramin'i Jese sy Davida, ilay zanaka fahafito, ary tsy esorina ao amin'ny firaketana ny fianakaviana ireo anarana ratsy — ny haratsian'i Ery teo anatrehan'ny Raintsika, i Akara ilay mpanakorontana.

Toko 2.

Ireto no zanak’Israely: Reoveny, Simeona, Levy, Joda, Isakara ary Zebolona, Dana, Josefa, Benjamina, Naftaly, Gada ary Asera.

Manaraka ny Taranany amin’i Joda ny Ray

Ny zanak’i Joda: Era sy Onana ary Sela; ireo telo ireo no naterak’ilay vehivavy Kananita, zanakavavin’i Soa, taminy. Ratsy teo imason’i Raintsika i Era, lahimatoa, ka novonoin’i Raintsika izy. Ary i Tamara, vadin’ny zanak’i Joda lahy, dia niteraka an’i Fareza sy Zara taminy. Dimy ny zanak’i Joda rehetra.

Ny zanak’i Fareza: Hezrona sy Hamola. Ny zanak’i Zara: Zimry sy Etana sy Hemana sy Kalkola ary Dara; dimy izy rehetra. Ny zanak’i Karmy: Akara, mpampahory an’Israely, izay nivadika noho ny zavatra voatokana. ^a Ny zanak’i Etana: Azaria.

Ny zanaka naterak’i Hezrona: Jerahmeela sy Rama ary Kelobay. I Rama niteraka an’i Aminadaba, ary i Aminadaba niteraka an’i Nahsona, lehiben’ny taranak’i Joda. I Nahsona niteraka an’i Salma, ary i Salma niteraka an’i Boaza, I Boaza niteraka an’i Obeda, ary i Obeda niteraka an’i Jese. I Jese niteraka an’i Eliaba lahimatoany, Abinadaba faharoa, Simea fahatelo, Netanela fahefatra, Radaia fahadimy, Ozema fahenina, ary Davida fahafito. Ny anabaviny dia i Zeroia sy i Abigaila. Ny zanak’i Zeroia: Abisay sy Joaba ary Asahela, telo izy. I Abigaila niteraka an’i Amasa, ary ny rain’i Amasa dia i Jetera Ismaelita.

I Kaleba zanak’i Hezrona dia nanan-janaka tamin’i Azoba vadiny sy tamin’i Jeriota; ireto no zanany: Jesera sy Sobaba ary Ardona. Nony maty i Azoba, dia nanambady an’i Efrata i Kaleba, ary niteraka an’i Hora izy. I Hora niteraka an’i Ory, ary i Ory niteraka an’i Bezalela.

Taorian’izay dia nandry tamin’ny zanakavavin’i Makira, rain’i Gileada, i Hezrona, ary nanambady azy fony enim-polo taona izy; ary i Segoba no naterany taminy. I Segoba niteraka an’i Jaira, izay nanana tanàna telo amby roa-polo tany amin’ny tany Gileada. Fa i Gesora sy Aram dia naka ny Havota-jaira taminy, ary i Kenata sy ny vohiziny, dia tanàna enim-polo. Ireo rehetra ireo dia zanak’i Makira, rain’i Gileada. Nony maty i Hezrona tao Kaleba-efrata, dia i Abia, vadin’i Hezrona, niteraka an’i Asora, rain’i Tekoa, taminy.

Ny zanak’i Jerahmeela, lahimatoan’i Hezrona: Rama lahimatoany, ary Bona sy Orena sy Ozema ary Ahia. Nanan-kafa koa i Jerahmeela, izay atao hoe Atara; izy no renin’i Onama. Ny zanak’i Rama, lahimatoan’i Jerahmeela: Maaza sy Jamina ary Ekera. Ny zanak’i Onama: Samay sy Jada. Ny zanak’i Samay: Nadaba sy Abisora. Abihaila no anaran’ny vadin’i Abisora, ary niteraka an’i Ahbana sy Molida taminy izy. Ny zanak’i Nadaba: Seleda sy Apaima. Maty tsy nanan-janaka i Seleda. Ny zanak’i Apaima: Isy. Ny zanak’i Isy: Sesana. Ny zanak’i Sesana: Ahlay. Ny zanak’i Jada, rahalahin’i Samay: Jetera sy Jonatana. Maty tsy nanan-janaka i Jetera. Ny zanak’i Jonatana: Peleta sy Zaza. Ireo no taranak’i Jerahmeela. Ary i Sesana tsy nanan-janaka lahy, fa zanakavavy ihany. Nanana mpanompo Egyptiana atao hoe Jarha izy, ary nanome ny zanakavaviny ho vadin’i Jarha mpanompony i Sesana, ka niteraka an’i Atay taminy izy. I Atay niteraka an’i Natana, ary i Natana niteraka an’i Zabada, I Zabada niteraka an’i Eflala, ary i Eflala niteraka an’i Obeda, I Obeda niteraka an’i Jehoa, ary i Jehoa niteraka an’i Azaria, I Azaria niteraka an’i Heleza, ary i Heleza niteraka an’i Eleasa, I Eleasa niteraka an’i Sismay, ary i Sismay niteraka an’i Salloma, I Salloma niteraka an’i Jekamia, ary i Jekamia niteraka an’i Elisama.

Ny zanak’i Kaleba, rahalahin’i Jerahmeela: Mesa lahimatoany, rain’i Zifa; ary ny zanak’i Maresa, rain’i Hebrona. Ny zanak’i Hebrona: Kora sy Tapoa sy Rekema ary Sema. I Sema niteraka an’i Rahama, rain’i Jorkeama, ary i Rekema niteraka an’i Samay. Ny zanak’i Samay dia i Maona, ary i Maona no rain’i Beti-zora. I Efa, vaditsindranon’i Kaleba, niteraka an’i Harana sy Moza ary Gazeza; ary i Harana niteraka an’i Gazeza. Ny zanak’i Jahdai: Regema sy Jotama sy Gesana sy Peleta sy Efa ary Safa. I Maaka, vaditsindranon’i Kaleba, niteraka an’i Sebera sy Tirhana. Niteraka an’i Safa koa izy, rain’i Madmana, sy Seva, rain’i Makbena sy Gibea. Ary i Aksa no zanakavavin’i Kaleba. Ireo no taranak’i Kaleba. Ny zanak’i Hora, lahimatoan’i Efrata: Sobala, rain’i Kiriata-jearima, Salma, rain’i Betlehema, ary Harefa, rain’i Beti-gadera. Nanana zanaka hafa i Sobala, rain’i Kiriata-jearima: Haroe sy ny antsasaky ny Menohota. Ny fianakavian’i Kiriata-jearima: ny Itrita sy ny Putita sy ny Sumatita ary ny Misraita; avy tamin’ireo ny Zorata sy ny Estaolita. Ny taranak’i Salma: Betlehema sy ny Netofatita sy Atrota-beti-joaba sy ny antsasaky ny Manahatita ary ny Zorita. Ny fianakavian’ny mpanoratra nonina tao Jabeza: ny Tiratita, ny Simeatita, ny Sokatita; dia Keneatita izay avy tao Hamata, rain’ny taranak’i Rekaba.