1 Kronika 24

24 ¹Wọ̀nyí ni àwọn ìpín ọmọ Aaroni. Àwọn ọmọ Aaroni ni: Nadabu àti Abihu, Eleasari àti Itamari. ²Nadabu àti Abihu kú ṣáájú baba wọn, wọn kò sì fi ọmọkùnrin kankan sílẹ̀; nítorí náà Eleasari àti Itamari ni wọ́n ń ṣe iṣẹ́ àlùfáà. ³Dafidi pín wọn, pẹ̀lú Sadoku, ọmọ Eleasari, àti Ahimeleki, ọmọ Itamari, gẹ́gẹ́ bí ìtòlẹ́sẹẹsẹ iṣẹ́ ìsìn tí a yàn fún wọn. ⁴A rí i pé àwọn ọmọ Eleasari ní olórí púpọ̀ ju àwọn ọmọ Itamari lọ, nítorí náà a pín wọn báyìí: olórí ìdílé mẹ́rìndínlógún fún àwọn ọmọ Eleasari, mẹ́jọ fún àwọn ọmọ Itamari, gẹ́gẹ́ bí ìdílé wọn. ⁵Wọ́n pín wọn nípa ìbò, méjèèjì bákan náà, nítorí àwọn ìjòyè ibi mímọ́ àti àwọn ìjòyè Baba wa ti ọ̀dọ̀ àwọn ọmọ Eleasari àti àwọn ọmọ Itamari wá. ⁶Ṣemaiah ọmọ Netaneli, akọ̀wé kan nínú àwọn ọmọ Lefi, kọ orúkọ wọn sílẹ̀ níwájú ọba, àwọn ìjòyè, Sadoku àlùfáà, Ahimeleki ọmọ Abiatari, àti àwọn olórí ìdílé àwọn àlùfáà àti ti àwọn ọmọ Lefi—a yan ìdílé kan fún Eleasari, ìkan fún Itamari.

⁷Ìbò kìíní bọ́ sí Jehoiaribu, ìkejì sí Jedaiah, ⁸ìkẹta sí Harimu, ìkẹrin sí Seorimu, ⁹ìkarùn-ún sí Malkijah, ìkẹfà sí Mijaminu, ¹⁰ìkeje sí Hakosi, ìkẹjọ sí Abijah, ¹¹ìkẹsàn-án sí Jeṣua, ìkẹwàá sí Ṣekaniah, ¹²ìkọkànlá sí Eliaṣibu, ìkejìlá sí Jakimu, ¹³ìkẹtàlá sí Huppa, ìkẹrìnlá sí Jeṣebeabu, ¹⁴ìkẹẹ̀dógún sí Bilga, ìkẹrìndínlógún sí Immeri, ¹⁵ìkẹtàdínlógún sí Heṣiri, ìkejìdínlógún sí Happiṣeṣi, ¹⁶ìkọkàndínlógún sí Petahiah, ìkogún sí Jeheskeli, ¹⁷ìkọkànlélógún sí Jakini, ìkejìlélógún sí Gamuli, ¹⁸ìkẹtàlélógún sí Delaiah, àti ìkẹrìnlélógún sí Maasiah. ¹⁹Wọ̀nyí ni iṣẹ́ tí a yàn fún wọn láti máa ṣe ìsìn nínú ilé Baba wa, gẹ́gẹ́ bí ìlànà tí Aaroni baba wọn fún wọn, gẹ́gẹ́ bí Baba wa ti Israẹli ti pàṣẹ fún un.

Àwọn Ọmọ Lefi Tí Ó Kù Náà Tún Dìbò

²⁰Àwọn ọmọ Lefi yòókù: nínú àwọn ọmọ Amramu, Ṣubaeli; nínú àwọn ọmọ Ṣubaeli, Jehdeiah. ²¹Nínú Rehabiah: nínú àwọn ọmọ Rehabiah, Iṣiah ni ẹni àkọ́kọ́. ²²Nínú àwọn ọmọ Isari, Ṣelomoti; nínú àwọn ọmọ Ṣelomoti, Jahati. ²³Àwọn ọmọ Hebroni: Jeriah ẹni àkọ́kọ́, Amariah ẹni kejì, Jahasieli ẹni kẹta, Jekameamu ẹni kẹrin. ²⁴Àwọn ọmọ Usieli: Mika; nínú àwọn ọmọ Mika, Ṣamiri. ²⁵Arákùnrin Mika: Iṣiah; nínú àwọn ọmọ Iṣiah, Sekariah. ²⁶Àwọn ọmọ Merari: Mahli àti Muṣi. Àwọn ọmọ Jaasiah: Beno. ²⁷Àwọn ọmọ Merari láti ọ̀dọ̀ Jaasiah: Beno, Ṣohamu, Sakuri, àti Ibri. ²⁸Nínú Mahli: Eleasari, tí kò ní ọmọkùnrin kankan. ²⁹Nínú Kiṣi: àwọn ọmọ Kiṣi, Jerahmeeli. ³⁰Àwọn ọmọ Muṣi: Mahli, Ederi, àti Jerimoti. Wọ̀nyí ni àwọn ọmọ Lefi gẹ́gẹ́ bí ìdílé wọn. ³¹Àwọn náà dìbò, gẹ́gẹ́ bí àwọn ìbátan wọn ọmọ Aaroni, níwájú Dafidi ọba, Sadoku, Ahimeleki, àti àwọn olórí ìdílé àwọn àlùfáà àti ti àwọn ọmọ Lefi—olórí ìdílé kọ̀ọ̀kan bákan náà pẹ̀lú àbúrò rẹ̀.