Lembü Pendou kü Shangabü
Haitibü meisiau pendou kho kamshang neichem koukhün to sungba thükkei, shaishang khonga shabü sou shuong to alemjan. Sii kho ama shaula thükkei, aishanga langkei kho siia ki — hoba seneibü Bouei kho lemshang thüka, haoeneibü langkei shanga saumei saüla shanga kukei.
17 1seneibü Bouei Mosa to laukei,
2“Aron hoba haoeibü shousi shuong hoba Israel shousi pendou to lenashi, Ho ngei sakkubü ngüh ki: 3Israelbü yoa aoyou ong masu, sanlon ayingsi lon shaishang maang ka ayingsi shaishang khonga haitilaje, 4hoba kho kamshang neichem koukhün to, kü lemshang neichem thedanga ngo to lemla shanga, asungba longa—kho mütei sii angtibü shabü ki; haoei sii angtikei, hoba haoei jembü mütli ka wapan aplabü. 5Kheijinei Israel shousi shuongei haoeneibü lembü, laobou haoenei yama lemda, kamshang neichem koukhün to ungshedbou la sungbalabü, hoba khübü kho ngo to sangmai lembü shanga lemlabü. 6Kamshang neichem koukhün to, ungshedbouei kü lemshanga sii laklabü, hoba haabü juoklabü, kho ngo to ponlem maibü ki. 7Hoba haoenei pejapelako hauan sepeinyu ngaibü lon shabü sou shuong to touje lemaleilabü. Ho haoen meten sünga ponpen shanga ngühkhüm che kilabü.
8“Haoen to lenashi, Israel shousi yoa aoyou ong, ayingsi haoen yoa louan kibü yenbou che, juokbü lembü ayingsi lembü lemlaje, 9hoba kho kamshang neichem koukhün to, ngo to lemla shanga, asungba longa—kho mütei jembü mütli ka wapan aplabü.
10“Israel phang yoa aoyou ong, ayingsi haoen yoa louan kibü yenbou che, sii at ongkei shaulaje—kho müt khulimbo ngo lolabü, hoba kho müt jembü mütli ka wapan aplabü. 11Sii kho pheeibü langkei ki; ngei kho kan la lemshang thüka kukei, kaneibü soushou shanga saumei saütila shanga; aishanga sii khoei langkeiei saumei saüla. a a v11 seneibü Bouei lolo sii kho saumei saübü lam shanga kukei—hoba lembü weko wekoeibü sii kho jih asühjinei Jisueibü sii shangabü ngühchung kikei, laobou haoeibü shousi shuong küpla shanga cheje che jonan koutikubü ki. 12Khoei ngei Israel shousi shuong to lenkei, kan yoa aokei sii ashaujan, ayingsi kan yoa louan kibü yenbou cheeikei sii ashaujan.
13“Israel shousi yoa aoyou ong, ayingsi haoen yoa louan kibü yenbou che, shaula thükbü meisiau ayingsi au che haitilaje, haoei khoeibü sii kho jonan apjan, hoba kho thamnguei küpleplabü. 14Shatsinam weko langkei kho khoeibü sii ka ki. Khoei ngei Israel shousi shuong to lenkei, kanei shatsinam wekoeibü sii ashaujan, aishanga khoeibü langkei kho khoeibü sii ki—aoyouei kho shaulaje kho jembü mütli ka wapan aplabü.
15“Aoyou ong, sangbüshou yingsikei, yenbou yingsikei, haibü mang ayingsi meisiauei taketbü shaulaje, haoei jembü neisimei sakjan, hoba hao lolo deia mang yujan, hoba nangnak sühko asaopoko kilabü, khei yingsi ong saüenan kilabü. 16Lausikei haoei kho asakko, ayingsi haoeibü mang amangyuko longa, haoei jembü shedbü künlabü.”
