Tupcho Che Menyei Togeet
Tyeni ne po togoostoo. Ne po Daudi.
Siruutik somok che booruunei togeetap kap: mwaita ne kibeek metitap Aron kobeek tamnet ak kaatitap ngoroikyik, ak rewootap Hermon ne putyi tuloonoogap Zion. Kaboorunoik che aeng' booruunei kiy ne sachin kosiir ormariichetinwekyik—ak eng' olooto ko ki ng'at Kwandanyo kaberuret.
Sura 133.
133 1Keero ole myee ak ole karaaran ye menyei tupcho togeet koek agenge! 2Ko uu mwaita ne po kamanuutyet ne oo ne mi metit, ne sachin ng'wony kobeek tamnet, tamnetap Aron, ne sachin ng'wony parak eng' kaatitap ngoroikyik. 3Ko uu rewootap Hermon, ne putyi tuloonoogap Zion. Amu eng' olooto ko ki ng'at Kwandanyo kaberuret— saboondo koigeny.