Kukinda mu Phipha ku Siyoni
Dyakana dya kutombuka.
Basadi ba phipha bisi zimbulwa, basadi bana bisi telama mu nzu kunima phipha. Bazimbulwa mu kuthuta moku ma bawu yi kusakumuna, amana lusakumunu lusi vutuka tswatsu kwena bawu tuka ku Siyoni, tuka kwena Tata wetu, wuna wáhanga zilu yi tsi.
Kapitulu 134.
134 1Awisenu, sakumunenu Tata wetu, benu boosu basadi bandi, bana bisi sadila mu phipha mu nzu yandi. 2Thutenu moku menu kuna homa hatoma, amana sakumunenu Tata wetu. 3Tata wetu kalusakumuna tuka ku Siyoni, yandi wuna wáhanga zilu yi tsi.
