Yeremia 5

5 ¹"Zungukeni katika njia za Yerusalemu, tazameni sasa na mjue! Tafuteni katika viwanja vyake—kama mwaweza kumpata mtu mmoja, mmoja atendaye haki na kuitafuta kweli, ndipo nitakapousamehe mji. ²Hata wasemapo, 'Kama aishivyo Baba yetu,' huapa kwa uongo."

³Baba yetu, je, macho yako hayatafuti uaminifu? Uliwapiga, lakini hawakusikia maumivu; uliwaangamiza, lakini walikataa kukubali maonyo. Walifanya nyuso zao kuwa ngumu kuliko mwamba; walikataa kurejea. ⁴Ndipo nikasema, 'Hakika hawa ni maskini tu; ni wapumbavu, kwa maana hawaijui njia ya Baba yetu, wala hukumu za haki za Baba yao.' ⁵Nitawaendea wakuu na kusema nao, kwa maana bila shaka wanaijua njia ya Baba yetu, hukumu za haki za Baba yao.' Lakini hao nao, wote pia, walikuwa wameivunja nira; walikuwa wamevikata vifungo. ⁶Kwa sababu hiyo simba atoka mwituni atawapiga, mbwa-mwitu wa jangwani atawararua. Chui anavizia miji yao; kila atokaye humo atararuliwa vipande vipande—kwa maana maasi yao ni mengi, kurudi kwao nyuma hakuhesabiki.

⁷"Nikusamehe kwa ajili ya nini? Watoto wako wameniacha mimi, wakaapa kwa hao ambao si miungu. Niliwashibisha, lakini walizini, wakakusanyika kwa wingi nyumbani mwa makahaba. ⁸Walikuwa kama farasi walioshiba, wenye tamaa, kila mmoja akimlilia mke wa jirani yake.' ⁹Je, nisiwaadhibu kwa ajili ya mambo haya? asema Baba yetu. Je, nisilete haki juu ya taifa kama hili? ¹⁰Pandeni katika safu za mizabibu yake mkaharibu, lakini msikomeshe kabisa; ondoeni matawi yake, kwa maana si ya Baba yetu. ¹¹Kwa maana nyumba ya Israeli na nyumba ya Yuda zimenitenda hila nyingi mno, asema Baba yetu."

¹²Wamesema uongo juu ya Baba yetu; wakasema, 'Yeye hatafanya lolote! Hakuna baa litakalokuja juu yetu; hatutaona upanga wala njaa.' ¹³Manabii ni upepo tu; neno halimo ndani yao. Basi na watendewe vivyo hivyo!

¹⁴Kwa sababu hiyo Baba wa majeshi ya mbinguni asema hivi: Kwa kuwa mmesema neno hili, nitayafanya maneno yangu kinywani mwako kuwa moto, na watu hawa kuwa kuni, nao utawateketeza. ¹⁵Tazama, nitaleta juu yenu taifa toka mbali, enyi nyumba ya Israeli, asema Baba yetu—taifa lililo imara, taifa la kale, taifa ambalo lugha yake huijui, wala huyafahamu wanenayo. ¹⁶"Podo lao ni kama kaburi wazi; wote ni mashujaa hodari. ¹⁷Watakula mavuno yako na mkate wako; watawala wana wako na binti zako; watakula makundi yako ya kondoo na ng'ombe; watakula mizabibu yako na mitini yako. Kwa upanga wataiangusha miji yako yenye maboma ambayo unaitumainia."

¹⁸Lakini hata katika siku hizo, asema Baba yetu, sitawakomesha kabisa. ¹⁹Nao watakapouliza, 'Kwa nini Baba yetu ametutendea haya yote?' waambie: 'Kama vile mlivyoniacha mimi, mkatumikia miungu ya kigeni katika nchi yenu, ndivyo mtakavyowatumikia wageni katika nchi isiyo yenu.'

²⁰"Tangazeni haya katika nyumba ya Yakobo; hubirini haya katika Yuda: ²¹Sikieni haya, enyi watu wapumbavu msio na akili, wenye macho lakini hamwoni, wenye masikio lakini hamsikii:" ²²Je, hamniogopi mimi? asema Baba yetu. Je, hamtetemeki mbele zangu? Nimeuweka mchanga kuwa mpaka wa bahari, amri ya milele isiyoweza kuipita. Ijapokuwa mawimbi yanajitupa, hayawezi kushinda; ijapokuwa yanavuma, hayawezi kuivuka bahari. ²³Lakini watu hawa wana moyo wa ukaidi na uasi; wamegeuka kando, wakaenda zao njia yao wenyewe. ²⁴Wala hawasemi mioyoni mwao, 'Na tumche Baba yetu, atoaye mvua—mvua ya vuli na ya masika kwa wakati wake— atuwekeaye majjuma yaliyoamriwa ya mavuno.' ²⁵"Makosa yenu yamezigeuza baraka hizi ziende mbali, na dhambi zenu zimewazuilia mema. ²⁶Kwa maana kati ya watu wangu wanapatikana watu waovu; huvizia kama wawindaji wa ndege waoteao; huweka mtego, nao ni watu wawanasao. ²⁷Kama tundu lililojaa ndege, ndivyo nyumba zao zilivyojaa hila; kwa sababu hiyo wamekuwa wakuu na matajiri. ²⁸Wamenenepa na kung'aa; wamefurika matendo maovu. Hawaitetei haki ya yatima, ili wafanikiwe, wala haki za wahitaji hawaziamui." ²⁹Je, nisiwaadhibu kwa ajili ya mambo haya? asema Baba yetu. Je, nisilete haki juu ya taifa kama hili? ³⁰"Jambo la kushangaza na la kutisha limetokea katika nchi: ³¹manabii hutabiri kwa uongo, na makuhani hutawala kwa mamlaka yao wenyewe; na watu wangu hupenda iwe hivyo. Lakini mtafanya nini mwisho utakapofika?"