కీర్తనలు 136

136 ¹ మన తండ్రికి కృతజ్ఞతాస్తుతులు చెల్లించండి, ఏలయనగా ఆయన దయాళుడు; ఆయన నమ్మకమైన ప్రేమ నిరంతరము నిలుచును. ² తండ్రులందరికీ పైనున్న మన తండ్రికి కృతజ్ఞతాస్తుతులు చెల్లించండి, ఆయన నమ్మకమైన ప్రేమ నిరంతరము నిలుచును. ³ సర్వాధిపతులకు అధిపతియైన వానికి కృతజ్ఞతాస్తుతులు చెల్లించండి, ఆయన నమ్మకమైన ప్రేమ నిరంతరము నిలుచును.

⁴ తానొక్కడే గొప్ప అద్భుతములు చేయువానికి, ఆయన నమ్మకమైన ప్రేమ నిరంతరము నిలుచును. ⁵ జ్ఞానముతో ఆకాశములను సృజించినవానికి, ఆయన నమ్మకమైన ప్రేమ నిరంతరము నిలుచును. ⁶ నీళ్లపై భూమిని పరచినవానికి, ఆయన నమ్మకమైన ప్రేమ నిరంతరము నిలుచును. ⁷ గొప్ప జ్యోతులను చేసినవానికి, ఆయన నమ్మకమైన ప్రేమ నిరంతరము నిలుచును. ⁸ పగటిని ఏలుటకు సూర్యుని, ఆయన నమ్మకమైన ప్రేమ నిరంతరము నిలుచును. ⁹ రాత్రిని ఏలుటకు చంద్రుని నక్షత్రములను, ఆయన నమ్మకమైన ప్రేమ నిరంతరము నిలుచును.

¹⁰ ఐగుప్తు తొలిచూలుల ద్వారా ఆ దేశమును కొట్టినవానికి, ఆయన నమ్మకమైన ప్రేమ నిరంతరము నిలుచును. ¹¹ వారి మధ్యనుండి ఇశ్రాయేలును రప్పించినవానికి, ఆయన నమ్మకమైన ప్రేమ నిరంతరము నిలుచును. ¹² బలమైన హస్తముతోను చాచిన బాహువుతోను, ఆయన నమ్మకమైన ప్రేమ నిరంతరము నిలుచును.

¹³ ఎఱ్ఱ సముద్రమును విభజించినవానికి, ఆయన నమ్మకమైన ప్రేమ నిరంతరము నిలుచును. ¹⁴ దాని మధ్యగుండా ఇశ్రాయేలును నడిపించినవానికి, ఆయన నమ్మకమైన ప్రేమ నిరంతరము నిలుచును. ¹⁵ అయితే ఫరోను అతని సైన్యమును ఎఱ్ఱ సముద్రములోనికి తోసివేసినవానికి, ఆయన నమ్మకమైన ప్రేమ నిరంతరము నిలుచును.

¹⁶ అరణ్యము గుండా తన ప్రజలను నడిపించినవానికి, ఆయన నమ్మకమైన ప్రేమ నిరంతరము నిలుచును.

¹⁷ గొప్ప రాజులను కొట్టినవానికి, ఆయన నమ్మకమైన ప్రేమ నిరంతరము నిలుచును. ¹⁸ బలిష్ఠులైన రాజులను సంహరించినవానికి, ఆయన నమ్మకమైన ప్రేమ నిరంతరము నిలుచును. ¹⁹ అమోరీయుల రాజైన సీహోనును, ఆయన నమ్మకమైన ప్రేమ నిరంతరము నిలుచును. ²⁰ బాషాను రాజైన ఓగును, ఆయన నమ్మకమైన ప్రేమ నిరంతరము నిలుచును. ²¹ వారి దేశమును స్వాస్థ్యముగా అనుగ్రహించినవానికి, ఆయన నమ్మకమైన ప్రేమ నిరంతరము నిలుచును. ²² తన సేవకుడైన ఇశ్రాయేలుకు స్వాస్థ్యముగా, ఆయన నమ్మకమైన ప్రేమ నిరంతరము నిలుచును.

²³ మనము దీనావస్థలో ఉన్నప్పుడు మనలను జ్ఞాపకము చేసికొనినవానికి, ఆయన నమ్మకమైన ప్రేమ నిరంతరము నిలుచును. ²⁴ మన శత్రువుల నుండి మనలను విడిపించినవానికి, ఆయన నమ్మకమైన ప్రేమ నిరంతరము నిలుచును. ²⁵ ప్రతి జీవికి ఆహారము దయచేయువానికి, ఆయన నమ్మకమైన ప్రేమ నిరంతరము నిలుచును.

²⁶ పరలోకపు తండ్రికి కృతజ్ఞతాస్తుతులు చెల్లించండి, ఆయన నమ్మకమైన ప్రేమ నిరంతరము నిలుచును.