కీర్తనలు 130

130 ¹ అగాధములలోనుండి నేను నిన్ను వేడుకొనుచున్నాను, నా తండ్రి.

² సర్వాధిపతియైన తండ్రి, నా స్వరము ఆలకించుము; కనికరము కొరకైన నా విన్నపములను శ్రద్ధగా వినుము.

³ నా తండ్రి, నీవు పాపముల లెక్క ఉంచినయెడల, సర్వాధిపతియైన తండ్రి, ఎవడు నిలువగలడు? ⁴ అయితే నీయొద్ద క్షమాపణ ఉన్నది, అందువలన నీవు భయభక్తులతో పూజింపబడుదువు.

⁵ నేను కనిపెట్టుచున్నాను నా తండ్రి కొరకు; నా ప్రాణము కనిపెట్టుచున్నది, ఆయన వాక్యమునందు నేను నా నిరీక్షణ ఉంచుచున్నాను. ⁶ కావలివారు ఉదయము కొరకు కనిపెట్టుటకంటె ఎక్కువగా నా ప్రాణము సర్వాధిపతియైన తండ్రి కొరకు కనిపెట్టుచున్నది, కావలివారు ఉదయము కొరకు కనిపెట్టుటకంటె ఎక్కువగా.

⁷ ఇశ్రాయేలూ, మన తండ్రియందు నీ నిరీక్షణ ఉంచుము, ఏలయనగా మన తండ్రియొద్ద నిబంధనా కృప కలదు, ఆయనయొద్ద సమృద్ధియైన విమోచన కలదు. ⁸ మరియు ఆయనే ఇశ్రాయేలును విమోచించును వాని సమస్త పాపములనుండి. ^a a v8 తన ప్రజలను వారి సమస్త పాపములనుండి విమోచించెదనన్న తండ్రి వాగ్దానము, తన ప్రజలను వారి పాపములనుండి రక్షించుటకై నామకరణము చేయబడిన యేసునందు నెరవేర్చబడినది.