కీర్తనలు 114

114 ¹ ఇశ్రాయేలు ఐగుప్తునుండి బయలుదేరినప్పుడు, యాకోబు వంశము అన్యభాష మాట్లాడు ప్రజలనుండి బయలుదేరినప్పుడు, ² యూదా మన తండ్రి పరిశుద్ధ స్థలమాయెను, ఇశ్రాయేలు ఆయన అధికార రాజ్యమాయెను.

³ సముద్రము చూచి పారిపోయెను; యొర్దాను వెనుకకు మళ్లెను. ⁴ పర్వతములు పొట్టేళ్లవలె గంతులు వేసెను, కొండలు గొఱ్ఱెపిల్లలవలె గంతులు వేసెను.

⁵ సముద్రమా, నీవెందుకు పారిపోతివి? యొర్దానూ, నీవెందుకు వెనుకకు మళ్లితివి? ⁶ పర్వతములారా, మీరెందుకు పొట్టేళ్లవలె గంతులు వేసితిరి? కొండలారా, గొఱ్ఱెపిల్లలవలె ఎందుకు గంతులు వేసితిరి?

⁷ భూమీ, సర్వాధిపతియైన తండ్రి సన్నిధిని వణకుము, యాకోబు మన తండ్రి సన్నిధిని వణకుము, ⁸ ఆయన బండను మడువుగా నీటి మడువుగా, చెకుముకిరాతిని ప్రవహించు ఊటగా మార్చెను.