ఎజ్రా 8

8 ¹ అర్తహషస్త రాజు పరిపాలనా కాలమందు బబులోను నుండి నాతోకూడ వెళ్లినవారి తమ తండ్రుల యిండ్లకు పెద్దలు వీరే, వారి వంశావళి ఇదే:

² ఫీనెహాసు కుమారులలో గెర్షోము; ఈతామారు కుమారులలో దానియేలు; దావీదు కుమారులలో హట్టూషు;

³ షెకన్యా కుమారులలో. పరోషు కుమారులలో జెకర్యా, అతనితోకూడ వంశావళిచేత లెక్కింపబడిన 150 మంది పురుషులు.

⁴ పహత్మోయాబు కుమారులలో జెరహ్యా కుమారుడైన ఎల్యోహేనై, అతనితోకూడ 200 మంది పురుషులు.

⁵ జత్తూ కుమారులలో యహజీయేలు కుమారుడైన షెకన్యా, అతనితోకూడ 300 మంది పురుషులు.

⁶ ఆదీను కుమారులలో యోనాతాను కుమారుడైన ఎబెదు, అతనితోకూడ 50 మంది పురుషులు.

⁷ ఏలాము కుమారులలో అతల్యా కుమారుడైన యెషయా, అతనితోకూడ 70 మంది పురుషులు.

⁸ షెఫట్య కుమారులలో మీకాయేలు కుమారుడైన జెబద్యా, అతనితోకూడ 80 మంది పురుషులు.

⁹ యోవాబు కుమారులలో యెహీయేలు కుమారుడైన ఓబద్యా, అతనితోకూడ 218 మంది పురుషులు.

¹⁰ బానీ కుమారులలో యోసిఫ్యా కుమారుడైన షెలోమీతు, అతనితోకూడ 160 మంది పురుషులు.

¹¹ బేబై కుమారులలో బేబై కుమారుడైన జెకర్యా, అతనితోకూడ 28 మంది పురుషులు.

¹² అజ్గాదు కుమారులలో హక్కాటాను కుమారుడైన యోహానాను, అతనితోకూడ 110 మంది పురుషులు.

¹³ అదోనీకాము కుమారులలో చివరివారు, వారి పేర్లు ఇవే: ఎలీపేలెతు, యెహూయేలు, షెమయా, వారితోకూడ 60 మంది పురుషులు.

¹⁴ బిగ్వయి కుమారులలో ఊతై, జక్కూరు, వారితోకూడ 70 మంది పురుషులు.

మందిరము కొరకు ఎజ్రా పరిచారకులను వెదకుట

¹⁵ అహవా వైపు ప్రవహించు నదియొద్ద నేను వారిని సమకూర్చాను, అక్కడ మేము మూడు దినములు గుడారములు వేసుకున్నాము. నేను ప్రజలలోను యాజకులలోను చూచినప్పుడు, అక్కడ లేవీ కుమారులలో ఎవరును నాకు కనబడలేదు. ¹⁶ కాబట్టి నాయకులైన ఎలీయెజెరు, అరీయేలు, షెమయా, ఎల్నాతాను, యారీబు, ఎల్నాతాను, నాతాను, జెకర్యా, మెషుల్లామును, వివేకవంతులైన యోయారీబు, ఎల్నాతానును పిలిపించాను. ¹⁷ కాసిప్యా అను స్థలమందున్న నాయకుడైన ఇద్దో యొద్దకు నేను వారిని పంపాను, మన తండ్రి మందిరము కొరకు వారు మాకు పరిచారకులను తీసికొని వచ్చునట్లు, ఇద్దోతోను కాసిప్యాలోని మందిర సేవకులైన అతని సహోదరులతోను చెప్పవలసినది వారికి తెలియజేసాను. ¹⁸ మన తండ్రి ఉపకారకరమైన హస్తము మామీద ఉన్నందున, ఇశ్రాయేలు కుమారుడైన లేవీ కుమారుడగు మహలీ కుమారులలోనుండి వివేకవంతుడైన ఒకని, అనగా షేరేబ్యాను, అతని కుమారులతోను సహోదరులతోను, వారు పదునెనిమిది మందిని మాయొద్దకు తీసికొని వచ్చారు; ¹⁹ మరియు హషబ్యాను, అతనితోకూడ మెరారి కుమారులలోని యెషయాను, అతని సహోదరులతోను వారి కుమారులతోను, వారు ఇరువదిమందిని తీసికొని వచ్చారు; ²⁰ మరియు లేవీయుల సేవకొరకు దావీదును అధికారులును ప్రత్యేకపరచిన మందిర సేవకులలో 220 మందిని తీసికొని వచ్చారు. వారందరు పేరుపేరున లెక్కింపబడిరి.

²¹ అప్పుడు మన తండ్రి యెదుట మమ్మును మేము తగ్గించుకొనునట్లును, మా కొరకును మా పిల్లల కొరకును మా ఆస్తి యావత్తు కొరకును క్షేమకరమైన ప్రయాణమును ఆయనయొద్ద అడుగుకొనునట్లును, అహవా నదియొద్ద నేను అక్కడ ఉపవాసమును ప్రకటించాను. ²² ఏలయనగా, "మేలుకొరకు మన తండ్రిని వెదకువారందరిమీద ఆయన హస్తము ఉన్నది, గాని ఆయనను విడిచిపెట్టువారందరిమీద ఆయన బలమును ఆయన కోపమును ఉన్నవి" అని మేము రాజుతో చెప్పియుంటిమి గనుక, మార్గమందు శత్రువునుండి మమ్మును కాపాడుటకు సైనికులను గుఱ్ఱపు రౌతులను రాజునొద్ద అడుగుటకు నేను సిగ్గుపడితిని. ²³ కాబట్టి మేము ఉపవాసముండి దీనిగూర్చి మన తండ్రిని బతిమాలుకున్నాము, ఆయన మా ప్రార్థన ఆలకించెను.

²⁴ అప్పుడు నేను ప్రధాన యాజకులలో పండ్రెండుమందిని, అనగా షేరేబ్యాను, హషబ్యాను, వారితోకూడ వారి సహోదరులలో పదిమందిని ప్రత్యేకపరచాను. ²⁵ రాజును ఆయన మంత్రులును ఆయన అధికారులును అక్కడనున్న ఇశ్రాయేలీయులందరును అర్పించిన, మన తండ్రి మందిరము కొరకైన అర్పణయగు వెండిని బంగారమును పాత్రలను నేను తూచి వారికి అప్పగించాను. ²⁶ నేను వారి చేతికి సుమారు 24 టన్నుల వెండిని, సుమారు 4 టన్నుల విలువగల వెండి పాత్రలను, సుమారు 4 టన్నుల బంగారమును తూచి యిచ్చాను, ²⁷ 1,000 దరిక్కుల విలువగల 20 బంగారు పళ్లెములను, బంగారమంత విలువగల రెండు నాణ్యమైన మెరయు కంచు పాత్రలను యిచ్చాను. ²⁸ నేను వారితో ఇట్లంటిని, "మీరు మన తండ్రికి ప్రతిష్ఠితులు, ఈ పాత్రలును ప్రతిష్ఠితమైనవి, ఈ వెండియు బంగారమును మీ పితరుల దేవుడైన మన తండ్రికి స్వేచ్ఛార్పణ. ²⁹ యెరూషలేములో మన తండ్రి మందిరపు గదులలో ప్రధాన యాజకుల యెదుటను లేవీయుల యెదుటను ఇశ్రాయేలు తండ్రుల యిండ్లకు పెద్దల యెదుటను వాటిని మీరు తూచి యిచ్చువరకు వాటిని కాచికొని భద్రపరచుడి."

³⁰ కాబట్టి యాజకులును లేవీయులును తూచి యివ్వబడిన వెండిని బంగారమును పాత్రలను యెరూషలేముకు, మన తండ్రి మందిరమునకు, తీసికొని వచ్చుటకు వాటిని స్వాధీనపరచుకొనిరి.

³¹ అప్పుడు మేము యెరూషలేముకు వెళ్లుటకు మొదటి నెల పండ్రెండవ దినమున అహవా నదియొద్దనుండి బయలుదేరాము. మన తండ్రి హస్తము మామీద ఉండెను, ఆయన మార్గమందు శత్రువు చేతినుండియు పొంచియున్నవారి నుండియు మమ్మును తప్పించెను.

³² మేము యెరూషలేముకు వచ్చి అక్కడ మూడు దినములు విశ్రమించాము. ³³ నాలుగవ దినమున వెండియు బంగారమును పాత్రలును మన తండ్రి మందిరములో ఊరియా కుమారుడైన యాజకుడగు మెరేమోతు చేతికి తూచి యివ్వబడెను, అతనితోకూడ ఫీనెహాసు కుమారుడైన ఎలియాజరు ఉండెను, వారితోకూడ యేషూవ కుమారుడైన యోజాబాదును, బిన్నూయి కుమారుడైన నోవద్యాయును అను లేవీయులు ఉండిరి. ³⁴ సమస్తమును లెక్కింపబడి తూయబడెను, ఆ సమయమందు పూర్తి యెత్తు వ్రాయబడెను.

³⁵ అప్పుడు చెరనుండి తిరిగి వచ్చినవారు ఇశ్రాయేలు దేవుడైన మన తండ్రికి దహనబలులను అర్పించిరి: ఇశ్రాయేలీయులందరి కొరకు పండ్రెండు కోడెలను, తొంబదియారు పొట్టేళ్లను, డెబ్బదియేడు గొఱ్ఱెపిల్లలను, పాపపరిహారార్థబలిగా పండ్రెండు మేకపోతులను అర్పించిరి. అదంతయు మన తండ్రికి దహనబలియై యుండెను. ³⁶ వారు రాజు యొక్క ఆజ్ఞలను రాజు అధిపతులకును నది అవతలి సంస్థానపు అధికారులకును అప్పగించిరి, వీరు ప్రజలను మన తండ్రి మందిరమును ఆదుకొనిరి. ^a a v36 "నది అవతల" అనునది యూఫ్రటీసు నదికి పడమటనున్న వారి సంస్థానమునకు పారసీకుల అధికారిక నామము.