சகரியா 1

1 ¹தரியு ராஜாவின் இரண்டாம் ஆண்டில், எட்டாம் மாதத்தில், பேரகியாவின் குமாரனும் இத்தோ தீர்க்கதரிசியின் பேரனுமாகிய சகரியாவுக்கு எங்கள் பிதாவின் வார்த்தை உண்டாயிற்று: ²எங்கள் பிதா உங்கள் முன்னோர்கள்மேல் மிகவும் கோபமாயிருந்தார்.

³ஆகையால் அவர்களிடம் சொல்: சேனைகளின் பிதா சொல்லுகிறது என்னவென்றால்: என்னிடம் திரும்புங்கள் என்று சேனைகளின் பிதா சொல்லுகிறார்; அப்பொழுது நான் உங்களிடம் திரும்புவேன் என்று சேனைகளின் பிதா சொல்லுகிறார். ⁴உங்கள் முன்னோர்களைப்போல் இராதேயுங்கள்; அவர்களை நோக்கி முந்தின தீர்க்கதரிசிகள்: சேனைகளின் பிதா சொல்லுகிறது என்னவென்றால், உங்கள் பொல்லாத வழிகளையும் பொல்லாத செய்கைகளையும்விட்டுத் திரும்புங்கள் என்று கூறினார்கள்; ஆனாலும் அவர்கள் கேளாமலும் எனக்குச் செவிகொடாமலும் போனார்கள் என்று எங்கள் பிதா சொல்லுகிறார்.

⁵உங்கள் முன்னோர்கள் எங்கே? அவர்கள் இப்பொழுது எங்கே? தீர்க்கதரிசிகளும் என்றென்றைக்கும் உயிரோடிருப்பார்களோ?

⁶ஆனாலும் என் ஊழியக்காரராகிய தீர்க்கதரிசிகளுக்கு நான் கட்டளையிட்ட என் வார்த்தைகளும் என் கட்டளைகளும் உங்கள் முன்னோர்களைப் பிடித்துக்கொள்ளவில்லையோ? அப்பொழுது அவர்கள் திரும்பி: சேனைகளின் பிதா நம்முடைய வழிகளுக்கும் நம்முடைய செய்கைகளுக்கும் தக்கதாக நமக்குச் செய்யத் திட்டமிட்டபடியே, அவ்வண்ணமே நமக்குச் செய்தார் என்று சொன்னார்கள்.

எங்கள் பிதா தமது குதிரைவீரர்களை அனுப்புகிறார்

⁷தரியு ராஜாவின் இரண்டாம் ஆண்டில், சேபாத் மாதமாகிய பதினொன்றாம் மாதம் இருபத்துநான்காம் நாளிலே, பேரகியாவின் குமாரனும் இத்தோ தீர்க்கதரிசியின் பேரனுமாகிய சகரியாவுக்கு எங்கள் பிதாவின் வார்த்தை உண்டாயிற்று: ⁸இராக்காலத்தில் எனக்கு ஒரு தரிசனம் உண்டாயிற்று; இதோ, சிவப்புக் குதிரையின்மேல் ஏறியிருந்த ஒரு புருஷன், பள்ளத்தாக்கிலுள்ள கொங்குமரங்களுக்குள்ளே நின்றுகொண்டிருந்தார்; அவருக்குப் பின்னாக சிவப்பும் மங்கல்நிறமும் வெண்மையுமான குதிரைகள் இருந்தன. ⁹என் ஆண்டவனே, இவைகள் என்னவென்று கேட்டேன். என்னோடே பேசின தூதன்: இவைகள் இன்னவைகள் என்று நான் உனக்குக் காண்பிப்பேன் என்றார்.

¹⁰அப்பொழுது கொங்குமரங்களுக்குள்ளே நின்ற புருஷன்: இவைகள் பூமியெங்கும் சுற்றித்திரியும்படி எங்கள் பிதா அனுப்பினவைகள் என்றார்.

¹¹அப்பொழுது அவைகள் கொங்குமரங்களுக்குள்ளே நின்ற எங்கள் பிதாவின் தூதனை நோக்கி: நாங்கள் பூமியெங்கும் சுற்றித்திரிந்து பார்த்தோம்; இதோ, பூமிமுழுவதும் அமைதலோடும் சமாதானத்தோடும் இருக்கிறது என்று அறிவித்தன.

¹²அப்பொழுது எங்கள் பிதாவின் தூதன்: சேனைகளின் பிதாவே, தேவரீர் இந்த எழுபது வருஷமாய்க் கோபங்கொண்டிருந்த எருசலேமின்மேலும் யூதாவின் பட்டணங்களின்மேலும் இரக்கஞ்செய்யாதிருப்பது எதுவரைக்கும் என்றார்.

¹³அப்பொழுது எங்கள் பிதா என்னோடே பேசின தூதனுக்குத் தயவும் ஆறுதலுமான நல்வார்த்தைகளைச் சொன்னார்.

¹⁴பின்பு என்னோடே பேசின தூதன் என்னை நோக்கி: நீ கூறவேண்டியது என்னவென்றால், சேனைகளின் பிதா சொல்லுகிறது என்னவென்றால்: நான் எருசலேமுக்காகவும் சீயோனுக்காகவும் மிகுந்த வைராக்கியங்கொண்டிருக்கிறேன்; ¹⁵ஆனால் நிர்விசாரமாயிருக்கிற ஜாதிகள்மேல் நான் மிகவும் கோபமாயிருக்கிறேன்; நான் கொஞ்சமாய்க் கோபங்கொண்டிருக்கையில், அவர்கள் அந்தத் தீங்கை அதிகரிக்கப் பண்ணினார்கள். ¹⁶ஆகையால் எங்கள் பிதா சொல்லுகிறது என்னவென்றால்: நான் இரக்கத்தோடே எருசலேமிடம் திரும்புவேன்; அதிலே என் ஆலயம் கட்டப்படும் என்று சேனைகளின் பிதா சொல்லுகிறார்; எருசலேமின்மேல் அளவுநூல் பிடிக்கப்படும்.

¹⁷மேலும் நீ கூறவேண்டியது என்னவென்றால், சேனைகளின் பிதா சொல்லுகிறார்: என் பட்டணங்கள் இன்னும் செழிப்பினால் பரம்பியிருக்கும்; எங்கள் பிதா இன்னும் சீயோனைத் தேற்றரவுசெய்து, இன்னும் எருசலேமைத் தெரிந்துகொள்வார் என்று சொல் என்றார்.

கொம்புகளும் தொழிலாளிகளும்

¹⁸அப்பொழுது நான் என் கண்களை ஏறெடுத்துப் பார்த்தேன்; இதோ, நான்கு கொம்புகளைக் கண்டேன். ¹⁹என்னோடே பேசின தூதனை நோக்கி: இவைகள் என்னவென்று கேட்டேன். அவர்: இவைகள் யூதாவையும் இஸ்ரவேலையும் எருசலேமையும் சிதறடித்த கொம்புகள் என்றார்.

²⁰பின்பு எங்கள் பிதா நான்கு தொழிலாளிகளை எனக்குக் காண்பித்தார். ²¹இவர்கள் என்ன செய்யவருகிறார்கள் என்று கேட்டேன். அதற்கு அவர்: ஒருவனும் தன் தலையை எடுக்கக்கூடாதபடிக்கு யூதாவைச் சிதறடித்த கொம்புகள் இவைகளே; ஆனாலும் யூதாவின் தேசத்தைச் சிதறடிக்கும்படி அதற்கு விரோதமாய் ஜாதிகள் தூக்கின அந்தக் கொம்புகளைப் பயப்படுத்தி, தள்ளிப்போடும்படிக்கு இந்தத் தொழிலாளிகள் வந்தார்கள் என்றார்.