எண்ணாகமம் 1

அதிகாரம் 1.

1 ¹அவர்கள் எகிப்து தேசத்தைவிட்டுப் புறப்பட்ட இரண்டாம் வருடத்தின் இரண்டாம் மாதம் முதலாம் நாளிலே, சீனாய் வனாந்தரத்திலே, ஆசரிப்புக் கூடாரத்திலே, எங்கள் பிதா மோசேயுடன் பேசி, சொன்னதாவது:

²“இஸ்ரவேல் புத்திரராகிய முழு சபையையும் அவர்களுடைய வம்சங்களின்படியும் பிதாக்களுடைய குடும்பங்களின்படியும், பேர்பேராக, தலைதலையாக, ஆண்மக்கள் யாவரையும் எண்ணுங்கள். ³இஸ்ரவேலிலே இருபது வயதுமுதல் அதற்கு மேற்பட்ட, யுத்தத்திற்குப் புறப்படத்தக்க யாவரையும் நீயும் ஆரோனும் அவர்களுடைய சேனைகளின்படி எண்ணுங்கள். ⁴ஒவ்வொரு கோத்திரத்திலும் ஒவ்வொருவன் உங்களோடே இருக்கவேண்டும்; அவனவன் தன் பிதாக்களுடைய குடும்பத்துக்குத் தலைவனாயிருக்கவேண்டும்.

⁵“உங்களோடே கூட நிற்கும் மனிதரின் நாமங்களாவன: ரூபனுடைய கோத்திரத்தில், சேதேயூரின் குமாரனாகிய எலிசூர்;

⁶“சிமியோனுடைய கோத்திரத்தில், சூரிஷதாயின் குமாரனாகிய செலூமியேல்;

⁷“யூதாவுடைய கோத்திரத்தில், அம்மினதாபின் குமாரனாகிய நகசோன்;

⁸“இசகாருடைய கோத்திரத்தில், சூவாரின் குமாரனாகிய நெதனெயேல்;

⁹“செபுலோனுடைய கோத்திரத்தில், ஏலோனின் குமாரனாகிய எலியாப்;

¹⁰“யோசேப்பின் புத்திரரில்: எப்பிராயீம் கோத்திரத்தில், அம்மியூதின் குமாரனாகிய எலிஷாமா; மனாசே கோத்திரத்தில், பெதாசூரின் குமாரனாகிய கமாலியேல்;

¹¹“பென்யமீனுடைய கோத்திரத்தில், கீதெயோனியின் குமாரனாகிய அபீதான்;

¹²“தாணுடைய கோத்திரத்தில், அம்மிஷதாயின் குமாரனாகிய அகியேசர்;

¹³“ஆசேருடைய கோத்திரத்தில், ஓகிரானின் குமாரனாகிய பாகியேல்;

¹⁴“காத்துடைய கோத்திரத்தில், தேகுயேலின் குமாரனாகிய எலியாசாப்;

¹⁵“நப்தலியுடைய கோத்திரத்தில், ஏனானின் குமாரனாகிய அகீரா.

¹⁶“இவர்களே சபையிலே அழைக்கப்பட்டவர்களும், தங்கள் பிதாக்களுடைய கோத்திரங்களின் பிரபுக்களும், இஸ்ரவேலின் வம்சங்களுக்குத் தலைவருமானவர்கள்.”

¹⁷அப்பொழுது மோசேயும் ஆரோனும் பேர்பேராகக் குறிக்கப்பட்ட இந்த மனிதரைக் கூட்டிக்கொண்டு, ¹⁸இரண்டாம் மாதம் முதலாம் நாளிலே முழு சபையையும் கூடிவரச்செய்தார்கள். ஜனங்கள் தங்கள் வம்சங்களின்படியும் பிதாக்களுடைய குடும்பங்களின்படியும் தங்கள் வம்சாவளியைப் பதிவுசெய்தார்கள்; இருபது வயதுமுதல் அதற்கு மேற்பட்ட ஆண்மக்கள் யாவரும் பேர்பேராக ஒவ்வொருவராக எண்ணப்பட்டார்கள், ¹⁹எங்கள் பிதா மோசேக்குக் கட்டளையிட்டபடியே செய்தார்கள். அப்படியே மோசே அவர்களைச் சீனாய் வனாந்தரத்திலே எண்ணினான்.

²⁰இஸ்ரவேலின் மூத்த மகனாகிய ரூபனுடைய சந்ததியார்: அவர்களுடைய வம்சங்களின்படியும் பிதாக்களுடைய குடும்பங்களின்படியும் பேர்பேராக, யுத்தத்திற்குப் புறப்படத்தக்க இருபது வயதுமுதல் அதற்கு மேற்பட்ட ஆண்மக்கள் யாவரும் எண்ணப்பட்டார்கள். ²¹ரூபன் கோத்திரத்தில் எண்ணப்பட்டவர்கள் 46,500 பேர்.

²²சிமியோனுடைய சந்ததியார்: அவர்களுடைய வம்சங்களின்படியும் பிதாக்களுடைய குடும்பங்களின்படியும் பேர்பேராக, தலைதலையாக, யுத்தத்திற்குப் புறப்படத்தக்க இருபது வயதுமுதல் அதற்கு மேற்பட்ட ஆண்மக்கள் யாவரும் எண்ணப்பட்டார்கள். ²³சிமியோன் கோத்திரத்தில் எண்ணப்பட்டவர்கள் 59,300 பேர்.

²⁴காத்துடைய சந்ததியார்: அவர்களுடைய வம்சங்களின்படியும் பிதாக்களுடைய குடும்பங்களின்படியும் பேர்பேராக, யுத்தத்திற்குப் புறப்படத்தக்க இருபது வயதுமுதல் அதற்கு மேற்பட்ட ஆண்மக்கள் யாவரும் எண்ணப்பட்டார்கள். ²⁵காத் கோத்திரத்தில் எண்ணப்பட்டவர்கள் 45,650 பேர்.

²⁶யூதாவுடைய சந்ததியார்: அவர்களுடைய வம்சங்களின்படியும் பிதாக்களுடைய குடும்பங்களின்படியும் பேர்பேராக, யுத்தத்திற்குப் புறப்படத்தக்க இருபது வயதுமுதல் அதற்கு மேற்பட்ட ஆண்மக்கள் யாவரும் எண்ணப்பட்டார்கள்: ²⁷யூதா கோத்திரத்தில் எண்ணப்பட்டவர்கள் 74,600 பேர்.

²⁸இசகாருடைய சந்ததியார்: அவர்களுடைய வம்சங்களின்படியும் பிதாக்களுடைய குடும்பங்களின்படியும் பேர்பேராக, யுத்தத்திற்குப் புறப்படத்தக்க இருபது வயதுமுதல் அதற்கு மேற்பட்ட ஆண்மக்கள் யாவரும் எண்ணப்பட்டார்கள்: ²⁹இசகார் கோத்திரத்தில் எண்ணப்பட்டவர்கள் 54,400 பேர்.

³⁰செபுலோனுடைய சந்ததியார்: அவர்களுடைய வம்சங்களின்படியும் பிதாக்களுடைய குடும்பங்களின்படியும் பேர்பேராக, யுத்தத்திற்குப் புறப்படத்தக்க இருபது வயதுமுதல் அதற்கு மேற்பட்ட ஆண்மக்கள் யாவரும் எண்ணப்பட்டார்கள். ³¹செபுலோன் கோத்திரத்தில் எண்ணப்பட்டவர்கள் 57,400 பேர்.

³²யோசேப்பின் புத்திரரில், எப்பிராயீமுடைய சந்ததியார்: அவர்களுடைய வம்சங்களின்படியும் பிதாக்களுடைய குடும்பங்களின்படியும் பேர்பேராக, யுத்தத்திற்குப் புறப்படத்தக்க இருபது வயதுமுதல் அதற்கு மேற்பட்ட ஆண்மக்கள் யாவரும் எண்ணப்பட்டார்கள். ³³எப்பிராயீம் கோத்திரத்தில் எண்ணப்பட்டவர்கள் 40,500 பேர்.

³⁴மனாசேயுடைய சந்ததியார்: அவர்களுடைய வம்சங்களின்படியும் பிதாக்களுடைய குடும்பங்களின்படியும் பேர்பேராக, யுத்தத்திற்குப் புறப்படத்தக்க இருபது வயதுமுதல் அதற்கு மேற்பட்ட ஆண்மக்கள் யாவரும் எண்ணப்பட்டார்கள்: ³⁵மனாசே கோத்திரத்தில் எண்ணப்பட்டவர்கள் 32,200 பேர்.

³⁶பென்யமீனுடைய சந்ததியார்: அவர்களுடைய வம்சங்களின்படியும் பிதாக்களுடைய குடும்பங்களின்படியும் பேர்பேராக, யுத்தத்திற்குப் புறப்படத்தக்க இருபது வயதுமுதல் அதற்கு மேற்பட்ட ஆண்மக்கள் யாவரும் எண்ணப்பட்டார்கள்: ³⁷பென்யமீன் கோத்திரத்தில் எண்ணப்பட்டவர்கள் 35,400 பேர்.

³⁸தாணுடைய சந்ததியார்: அவர்களுடைய வம்சங்களின்படியும் பிதாக்களுடைய குடும்பங்களின்படியும் பேர்பேராக, யுத்தத்திற்குப் புறப்படத்தக்க இருபது வயதுமுதல் அதற்கு மேற்பட்ட ஆண்மக்கள் யாவரும் எண்ணப்பட்டார்கள்: ³⁹தாண் கோத்திரத்தில் எண்ணப்பட்டவர்கள் 62,700 பேர்.

⁴⁰ஆசேருடைய சந்ததியார்: அவர்களுடைய வம்சங்களின்படியும் பிதாக்களுடைய குடும்பங்களின்படியும் பேர்பேராக, யுத்தத்திற்குப் புறப்படத்தக்க இருபது வயதுமுதல் அதற்கு மேற்பட்ட ஆண்மக்கள் யாவரும் எண்ணப்பட்டார்கள். ⁴¹ஆசேர் கோத்திரத்தில் எண்ணப்பட்டவர்கள் 41,500 பேர்.

⁴²நப்தலியுடைய சந்ததியார்: அவர்களுடைய வம்சங்களின்படியும் பிதாக்களுடைய குடும்பங்களின்படியும் பேர்பேராக, யுத்தத்திற்குப் புறப்படத்தக்க இருபது வயதுமுதல் அதற்கு மேற்பட்ட ஆண்மக்கள் யாவரும் எண்ணப்பட்டார்கள். ⁴³நப்தலி கோத்திரத்தில் எண்ணப்பட்டவர்கள் 53,400 பேர்.

⁴⁴மோசேயும் ஆரோனும் இஸ்ரவேலின் பன்னிரண்டு பிரபுக்களும் இந்த மனிதரை எண்ணினார்கள்; ஒவ்வொருவனும் தன் பிதாக்களுடைய குடும்பத்திற்காக நின்றான். ⁴⁵இஸ்ரவேலிலே யுத்தத்திற்குப் புறப்படத்தக்க இருபது வயதுமுதல் அதற்கு மேற்பட்ட ஆண்மக்கள் யாவரும் தங்கள் பிதாக்களுடைய குடும்பங்களின்படி எண்ணப்பட்டார்கள். ⁴⁶எண்ணப்பட்டவர்கள் எல்லாரும் 603,550 பேர்.

⁴⁷ஆனாலும் லேவியர் தங்கள் பிதாக்களுடைய கோத்திரத்தின்படி அவர்களுக்குள்ளே எண்ணப்படவில்லை. ⁴⁸ஏனெனில் எங்கள் பிதா மோசேயை நோக்கி:

⁴⁹“லேவி கோத்திரத்தை மாத்திரம் நீ எண்ணாமலும், இஸ்ரவேல் புத்திரருக்குள்ளே அவர்களைத் தொகையிடாமலும் இரு. ⁵⁰லேவியரையோ சாட்சியின் வாசஸ்தலத்தின்மேலும் அதின் சகல தட்டுமுட்டுகளின்மேலும் அதற்குரிய யாவற்றின்மேலும் விசாரிப்புக்காரராக ஏற்படுத்து. அவர்கள் வாசஸ்தலத்தையும் அதின் சகல தட்டுமுட்டுகளையும் சுமந்து, அதற்குப் பணிவிடைசெய்து, வாசஸ்தலத்தைச் சுற்றிலும் பாளயமிறங்கவேண்டும். ⁵¹வாசஸ்தலம் புறப்படும்போது, லேவியர் அதைப் பிரித்து இறக்கவேண்டும்; வாசஸ்தலம் இறங்கும்போது, லேவியர் அதை நிறுத்தவேண்டும்; அதைச் சமீபிக்கிற அந்நியன் கொலைசெய்யப்படவேண்டும். ⁵²இஸ்ரவேல் புத்திரர் அவரவர் தங்கள் சேனைகளின்படி, அவரவர் தங்கள் பாளயத்திலும், அவரவர் தங்கள் கொடியண்டையிலும் பாளயமிறங்கவேண்டும். ⁵³இஸ்ரவேல் புத்திரரின் சபையின்மேல் கடுங்கோபம் வராதபடிக்கு, லேவியர் சாட்சியின் வாசஸ்தலத்தைச் சுற்றிலும் பாளயமிறங்கவேண்டும்; லேவியர் சாட்சியின் வாசஸ்தலத்தைக் காக்கவேண்டும்.”

⁵⁴எங்கள் பிதா மோசேக்குக் கட்டளையிட்டபடியெல்லாம் இஸ்ரவேல் புத்திரர் செய்தார்கள்; அப்படியே செய்தார்கள்.