எசேக்கியேல் 44

44 ¹பின்பு அவர் என்னைப் பரிசுத்த ஸ்தலத்தின் கிழக்குமுகமான வெளிவாசலுக்குத் திரும்பவும் அழைத்துக்கொண்டுபோனார்; அது அடைக்கப்பட்டிருந்தது. ²அவர் என்னை நோக்கி: “இந்த வாசல் அடைக்கப்பட்டேயிருக்கும்; இது திறக்கப்படாது, இதின் வழியாய் ஒருவனும் உட்பிரவேசிக்கவும் மாட்டான்; ஏனெனில் எங்கள் பிதா இதின் வழியாய் உட்பிரவேசித்தார்; ஆகையால் இது அடைக்கப்பட்டேயிருக்கும். ³அதிபதியே, அதிபதிதானே, எங்கள் பிதாவுக்கு முன்பாக அப்பம் புசிக்கும்படி அங்கே உட்காரலாம்; அவன் அந்த வாசலின் மண்டபத்தின் வழியாய் உட்பிரவேசித்து, அந்த வழியாயே திரும்பிப் புறப்படக்கடவன்.”

⁴பின்பு அவர் என்னை வடக்கு வாசல் வழியாய் ஆலயத்தின் முகப்புக்கு அழைத்துக்கொண்டுவந்தார்; நான் பார்த்தேன், இதோ, எங்கள் பிதாவின் மகிமை அவருடைய ஆலயத்தை நிரப்பிற்று; அப்பொழுது நான் முகங்குப்புற விழுந்தேன்.

⁵எங்கள் பிதா என்னை நோக்கி: “மனுஷகுமாரனே, என் ஆலயத்தின் கட்டளைகளையும் அதின் நியாயங்களையும் குறித்து நான் உன்னோடே சொல்லும் யாவற்றையும் நீ கவனித்து, உன் கண்களால் பார்த்து, உன் காதுகளால் கேள்; ஆலயத்தினுள் பிரவேசிக்கிற வழியையும் பரிசுத்த ஸ்தலத்தின் புறப்பாடுகள் எல்லாவற்றையும் கவனித்துக்கொள்.

⁶கலகக்காரராகிய இஸ்ரவேல் வம்சத்தாரை நோக்கி: ஆண்டவராகிய பிதா சொல்லுகிறது என்னவென்றால்: “இஸ்ரவேல் வம்சத்தாரே, உங்கள் அருவருப்புகள் யாவும் போதும்; ⁷நீங்கள் என் அப்பத்தையும் கொழுப்பையும் இரத்தத்தையும் செலுத்துகையில், இருதயத்திலும் மாம்சத்திலும் விருத்தசேதனமில்லாத அந்நியரை என் பரிசுத்த ஸ்தலத்தில் இருக்கும்படி உட்பிரவேசிக்கப்பண்ணி, என் ஆலயத்தைப் பரிசுத்தக்குலைச்சலாக்கினீர்கள்; உங்கள் அருவருப்புகள் யாவற்றாலும் என் உடன்படிக்கையை மீறினீர்கள். ⁸நீங்கள் என் பரிசுத்த வஸ்துக்களைக் காவல்செய்யாமல், உங்களுக்குப் பதிலாக மற்றவர்களை என் பரிசுத்த ஸ்தலத்தில் காவல்காக்கிறவர்களாக வைத்தீர்கள். ⁹ஆண்டவராகிய பிதா சொல்லுகிறது என்னவென்றால்: “இஸ்ரவேல் புத்திரரின் நடுவே வாசம்பண்ணுகிற அந்நியர் எல்லாருக்குள்ளும், இருதயம் கடினமும் மாம்சத்தில் விருத்தசேதனமில்லாதவனுமான அந்நியன் ஒருவனும் என் பரிசுத்த ஸ்தலத்தில் பிரவேசிக்கலாகாது.

¹⁰ஆனாலும் இஸ்ரவேலர் வழிதப்பி, தங்கள் நரகலான விக்கிரகங்களைப் பின்பற்றி என்னைவிட்டு அலைந்துபோன காலத்தில் என்னைவிட்டுத் தூரமாய்ப்போன லேவியரோ, தங்கள் அக்கிரமத்தைச் சுமப்பார்கள். ¹¹அவர்கள் என் பரிசுத்த ஸ்தலத்தில் ஆலயத்தின் வாசல்களைக் காவல்காக்கிறவர்களாகவும், ஆலயத்திலே பணிவிடைசெய்கிறவர்களாகவும் இருப்பார்கள்; அவர்களே ஜனத்திற்காகச் சர்வாங்கதகனபலியையும் மற்றப் பலியையும் அடித்து, அவர்களுக்குப் பணிவிடைசெய்யும்படி அவர்களுக்கு முன்பாக நிற்பார்கள். ¹²அவர்கள் தங்கள் விக்கிரகங்களுக்கு முன்பாக ஜனத்திற்குப் பணிவிடைசெய்து, இஸ்ரவேல் வம்சத்தாரை அக்கிரமத்தில் இடறப்பண்ணினபடியால், நான் அவர்களுக்கு விரோதமாய் என் கையை உயர்த்தி ஆணையிட்டேன்; அவர்கள் தங்கள் அக்கிரமத்தைச் சுமப்பார்கள் என்று ஆண்டவராகிய பிதா சொல்லுகிறார். ¹³அவர்கள் எனக்கு ஆசாரிய ஊழியம் செய்யும்படி என்னிடத்தில் சேரவும், என் பரிசுத்த வஸ்துக்களில் ஒன்றிலும், மகா பரிசுத்தமானவைகளிலும் நெருங்கவுமாட்டார்கள்; அவர்கள் செய்த தங்கள் அருவருப்புகளின் அவமானத்தைச் சுமப்பார்கள். ¹⁴ஆகிலும் ஆலயத்தின் எல்லாப் பணிவிடையிலும், அதிலே செய்யப்படும் யாவற்றிலும், அவர்களை ஆலயத்தின் காவலாளர்களாக வைப்பேன்.

¹⁵இஸ்ரவேலர் என்னைவிட்டு வழிதப்பிப்போன காலத்தில் என் பரிசுத்த ஸ்தலத்தின் காவலைக் காத்த சாதோக்கின் குமாரராகிய லேவியரான ஆசாரியர்களோ, எனக்குப் பணிவிடைசெய்ய என்னிடத்தில் சேர்ந்து, கொழுப்பையும் இரத்தத்தையும் எனக்குச் செலுத்தும்படி எனக்கு முன்பாக நிற்பார்கள் என்று ஆண்டவராகிய பிதா சொல்லுகிறார். ¹⁶“அவர்களே என் பரிசுத்த ஸ்தலத்தில் பிரவேசித்து, எனக்குப் பணிவிடைசெய்ய என் பந்தியண்டையில் சேர்ந்து, என் காவலைக் காப்பார்கள்.

¹⁷அவர்கள் உட்பிராகாரத்தின் வாசல்களுக்குள் பிரவேசிக்கும்போது, சணல்நூல் வஸ்திரங்களைத் தரித்துக்கொள்ளக்கடவர்கள்; அவர்கள் உட்பிராகாரத்தின் வாசல்களிலும் ஆலயத்திலும் பணிவிடைசெய்கையில் ஆட்டுமயிர் வஸ்திரம் அவர்கள்மேல் இருக்கலாகாது. ¹⁸அவர்கள் தலைகளில் சணல்நூல் பாகைகளையும், இடைகளில் சணல்நூல் ஜலவஸ்திரங்களையும் தரித்துக்கொள்ளக்கடவர்கள்; வேர்வையுண்டாக்குகிற எதையும் அணிந்துகொள்ளாதிருப்பார்களாக. ¹⁹அவர்கள் வெளிப்பிராகாரத்தில் ஜனத்தண்டையிலே புறப்படும்போது, தாங்கள் பணிவிடைசெய்த வஸ்திரங்களைக் கழற்றி, அவைகளைப் பரிசுத்த அறைகளில் வைத்துவிட்டு, வேறே வஸ்திரங்களைத் தரித்துக்கொள்ளக்கடவர்கள்; தங்கள் வஸ்திரங்களால் ஜனங்களைப் பரிசுத்தம்பண்ணாதபடிக்கு இப்படிச் செய்யவேண்டும்.

²⁰அவர்கள் தங்கள் தலைகளைச் சிரையாமலும், மயிரை நீளமாய் வளரவிடாமலும், தங்கள் தலைமயிரைக் கத்தரித்துக்கொள்ளக்கடவர்கள். ²¹எந்த ஆசாரியனும் உட்பிராகாரத்தில் பிரவேசிக்கும்போது திராட்சரசம் குடிக்கலாகாது. ²²அவர்கள் ஒரு விதவையையாகிலும் தள்ளிவிடப்பட்டவளையாகிலும் விவாகம்பண்ணாமல், இஸ்ரவேல் வம்சத்தாரின் சந்ததியிலுள்ள கன்னிகைகளையாவது, ஒரு ஆசாரியனுடைய விதவையையாவது விவாகம்பண்ணக்கடவர்கள். ²³அவர்கள் பரிசுத்தமானதற்கும் பரிசுத்தமல்லாததற்கும் உள்ள வித்தியாசத்தை என் ஜனத்திற்குப் போதித்து, தீட்டுள்ளதற்கும் தீட்டில்லாததற்கும் உள்ள வித்தியாசத்தை அறிவிக்கக்கடவர்கள்.

²⁴வழக்கு நடக்கும்போது அவர்கள் என் நியாயங்களின்படி நியாயந்தீர்க்கக்கடவர்கள்; அவர்கள் என் குறித்த பண்டிகைகளிலெல்லாம் என் நியாயப்பிரமாணங்களையும் என் கட்டளைகளையும் கைக்கொண்டு, என் ஓய்வுநாட்களைப் பரிசுத்தமாய் ஆசரிக்கக்கடவர்கள்.

²⁵ஒரு ஆசாரியன் செத்த மனுஷனண்டையில் போய்த் தன்னைத் தீட்டுப்படுத்திக்கொள்ளலாகாது; ஆனாலும் தகப்பன், தாய், குமாரன், குமாரத்தி, சகோதரன், புருஷனில்லாத சகோதரி ஆகிய இவர்களுக்காக அவன் தன்னைத் தீட்டுப்படுத்திக்கொள்ளலாம். ²⁶அவன் சுத்திகரிக்கப்பட்டபின்பு, அவனுக்கு ஏழுநாள் எண்ணக்கடவர்கள். ²⁷அவன் பரிசுத்த ஸ்தலத்திலே பணிவிடைசெய்யும்படி உட்பிராகாரமாகிய பரிசுத்த ஸ்தலத்தில் பிரவேசிக்கிற நாளிலே, அவன் தன் பாவநிவாரணபலியைச் செலுத்தக்கடவன் என்று ஆண்டவராகிய பிதா சொல்லுகிறார்.

²⁸“அவர்களுடைய சுதந்தரம் இதுவே: நானே அவர்களுடைய சுதந்தரம்; இஸ்ரவேலில் அவர்களுக்கு ஒரு காணியாட்சியையும் கொடாதிருங்கள்; நானே அவர்களுடைய காணியாட்சி. ²⁹அவர்கள் போஜனபலியையும் பாவநிவாரணபலியையும் குற்றநிவாரணபலியையும் புசிப்பார்கள்; இஸ்ரவேலில் சாபத்தீடாக்கப்பட்ட யாவும் அவர்களுடையதாயிருக்கும். ³⁰சகலவித முதற்பலன்களில் முதற்கனிகள் யாவும், நீங்கள் காணிக்கையாகச் செலுத்தும் சகலவித காணிக்கைகள் யாவும் ஆசாரியர்களுடையதாயிருக்கும்; உங்கள் வீட்டின்மேல் ஆசீர்வாதம் தங்கும்படிக்கு, உங்கள் மாவின் முதற்பாகத்தை ஆசாரியனுக்குக் கொடுக்கக்கடவீர்கள். ³¹தானாய்ச் செத்ததும், துண்டாடப்பட்டதுமான யாதொரு பறவையையாவது மிருகத்தையாவது ஆசாரியர்கள் புசிக்கலாகாது.”