அப்போஸ்தலர் 3

3 ¹பேதுருவும் யோவானும் ஜெபநேரமாகிய பிற்பகல் மூன்று மணியளவில் தேவாலயத்திற்குப் போய்க்கொண்டிருந்தார்கள். ²பிறவியிலேயே சப்பாணியாயிருந்த ஒரு மனிதன், தேவாலயத்திற்குள் நுழைகிறவர்களிடத்தில் பிச்சைகேட்கும்படி, அழகு என்னப்பட்ட தேவாலய வாசலில் அன்றாடம் சுமந்துகொண்டுவந்து வைக்கப்படுவான். ³பேதுருவும் யோவானும் தேவாலயத்திற்குள் போகிறதைக் கண்டு, அவன் அவர்களிடத்தில் பணம் கேட்டான். ⁴பேதுரு யோவானோடேகூட அவனை உற்றுப்பார்த்து, “எங்களை நோக்கிப்பார்” என்றான். ⁵அவன் அவர்களிடத்தில் எதையாவது பெற்றுக்கொள்ளலாமென்று எதிர்பார்த்து, அவர்களை கவனித்துப்பார்த்தான். ⁶அப்பொழுது பேதுரு: “வெள்ளியும் பொன்னும் என்னிடத்தில் இல்லை; என்னிடத்தில் உள்ளதை உனக்குத் தருகிறேன்: நசரேயனாகிய இயேசுகிறிஸ்துவின் நாமத்தினாலே எழுந்து நட” என்றான். ⁷அவனை வலதுகையினால் பிடித்து எடுத்துவிட்டான்; உடனே அவனுடைய பாதங்களும் கணுக்கால்களும் பெலன்கொண்டன. ⁸அவன் குதித்தெழுந்து, நின்று, நடக்கத்தொடங்கி, நடந்தும் குதித்தும் எங்கள் பிதாவைத் துதித்தும், அவர்களோடேகூட தேவாலயத்திற்குள் பிரவேசித்தான். ⁹அவன் நடக்கிறதையும் எங்கள் பிதாவைத் துதிக்கிறதையும் ஜனங்களெல்லாரும் கண்டார்கள். ¹⁰அவன் தேவாலயத்தின் அழகு என்னும் வாசலில் உட்கார்ந்து பிச்சைகேட்டவன் என்று அறிந்துகொண்டு, அவனுக்கு நேரிட்டதைக்குறித்து ஆச்சரியமும் பிரமிப்பும் நிறைந்தார்கள்.

பேதுரு பிதாவின் ஊழியக்காரரை அறிவிக்கிறார்

¹¹சொஸ்தமான அவன் பேதுருவையும் யோவானையும் பற்றிக்கொண்டிருக்கையில், ஜனங்களெல்லாரும் மிகவும் திகைப்படைந்து, சாலொமோனுடையது என்னப்பட்ட மண்டபத்திலே அவர்களிடத்தில் ஓடிவந்தார்கள். ¹²இதைக் கண்டு பேதுரு ஜனங்களை நோக்கி: “இஸ்ரவேலரே, இதைக்குறித்து நீங்கள் ஏன் ஆச்சரியப்படுகிறீர்கள்? எங்கள் சொந்த வல்லமையினாலாவது பக்தியினாலாவது இவனை நடக்கப்பண்ணினோமென்று எங்களை ஏன் உற்றுப்பார்க்கிறீர்கள்? ¹³ஆபிரகாம் ஈசாக்கு யாக்கோபு என்பவர்களுடைய தேவனும், நம்முடைய பிதாக்களுடைய தேவனுமானவர், தம்முடைய ஊழியக்காரராகிய இயேசுவை மகிமைப்படுத்தினார்; அவரை நீங்கள் பிலாத்துவினிடத்தில் ஒப்புக்கொடுத்து, அவரை விடுதலையாக்க அவன் தீர்மானித்திருந்தபோது, அவனுக்கு முன்பாக மறுதலித்தீர்கள். ¹⁴பரிசுத்தரும் நீதிபரருமானவரையோ நீங்கள் மறுதலித்து, ஒரு கொலைபாதகனை உங்களுக்குத் தரும்படி கேட்டீர்கள். ¹⁵ஜீவனுக்கு அதிபதியானவரை நீங்கள் கொலைசெய்தீர்கள்; அவரை எங்கள் பிதா மரித்தோரிலிருந்து எழுப்பினார்; இதற்கு நாங்கள் சாட்சிகளாயிருக்கிறோம். ¹⁶அவருடைய நாமத்தின்மேலுள்ள விசுவாசத்தினாலே அவருடைய நாமம் இந்த மனிதனைப் பெலப்படுத்தினது—இவனை நீங்கள் காண்கிறீர்கள், அறிந்திருக்கிறீர்கள். இயேசுவின்மேலுள்ள விசுவாசமே உங்களெல்லாருக்கும் முன்பாக இவனுக்கு இந்தப் பூரண சொஸ்தத்தைக் கொடுத்தது.

¹⁷“இப்பொழுதும், சகோதரரே, உங்கள் அதிகாரிகள் செய்ததுபோலவே, நீங்களும் அறியாமையினால் இதைச் செய்தீர்கள் என்று அறிந்திருக்கிறேன். ¹⁸ஆனாலும் தமது கிறிஸ்து பாடுபடவேண்டுமென்று சகல தீர்க்கதரிசிகளின் வாயினாலும் எங்கள் பிதா முன்னறிவித்திருந்ததை இவ்விதமாய் நிறைவேற்றினார். ¹⁹ஆகையால், உங்கள் பாவங்கள் நிவிர்த்திசெய்யப்படும்படிக்கு, நீங்கள் மனந்திரும்பி குணப்படுங்கள்; ²⁰அப்பொழுது எங்கள் பிதாவின் சமுகத்திலிருந்து இளைப்பாறுதலின் காலங்கள் வரும்; உங்களுக்கென்று நியமிக்கப்பட்டிருக்கிற கிறிஸ்துவாகிய இயேசுவை அவர் அனுப்புவார். ²¹பூர்வகாலமுதல் தம்முடைய பரிசுத்த தீர்க்கதரிசிகளின் வாயினாலே எங்கள் பிதா எவைகளைக்குறித்துச் சொன்னாரோ, அந்த எல்லாம் மறுபடியும் சீர்ப்படுத்தப்படுங்காலம்வரை பரலோகம் அவரை ஏற்றுக்கொள்ளவேண்டும். ²²மோசே பிதாக்களை நோக்கி: ‘உங்கள் பிதா என்னைப்போல ஒரு தீர்க்கதரிசியை உங்கள் சகோதரரிலிருந்து உங்களுக்கு எழும்பப்பண்ணுவார்; அவர் உங்களுக்குச் சொல்லும் எல்லாவற்றிலும் அவருக்குச் செவிகொடுங்கள்.’ ²³அந்தத் தீர்க்கதரிசிக்குச் செவிகொடாத எந்த ஆத்துமாவும் ஜனத்தின் நடுவிலிருந்து முற்றிலும் அழிக்கப்படும்.’ ²⁴சாமுவேல் முதல் பேசிய தீர்க்கதரிசிகளெல்லாரும் இந்த நாட்களைக்குறித்து அறிவித்தார்கள். ²⁵நீங்கள் தீர்க்கதரிசிகளின் புத்திரரும், ‘உன் சந்ததியினாலே பூமியிலுள்ள வம்சங்களெல்லாம் ஆசீர்வதிக்கப்படும்’ என்று எங்கள் பிதா ஆபிரகாமுக்குச் சொல்லி, உங்கள் பிதாக்களோடே பண்ணின உடன்படிக்கையின் புத்திரருமாயிருக்கிறீர்கள். ²⁶எங்கள் பிதா தம்முடைய ஊழியக்காரரை எழுப்பி, உங்களில் அவனவனை அவனவனுடைய தீமைகளைவிட்டுத் திருப்புகிறதினாலே உங்களை ஆசீர்வதிக்கும்படிக்கு, முதலாவது உங்களிடத்தில் அவரை அனுப்பினார்.”