1 இராஜாக்கள் 21

21 ¹இந்தக் காரியங்களுக்குப் பின்பு, யெஸ்ரயேலனாகிய நாபோத்துக்கு யெஸ்ரயேலிலே ஒரு திராட்சத்தோட்டம் இருந்தது; அது சமாரியாவின் ராஜாவாகிய ஆகாபின் அரண்மனைக்கு அருகில் இருந்தது. ²ஆகாப் நாபோத்தை நோக்கி: “உன் திராட்சத்தோட்டத்தை எனக்குக் கொடு; அது என் வீட்டிற்கு அருகில் இருக்கிறதால், அதை எனக்குக் கீரைத்தோட்டமாக்கிக்கொள்ளுவேன்; அதற்குப் பதிலாக அதைவிட நல்ல திராட்சத்தோட்டத்தை உனக்குக் கொடுப்பேன்; உனக்கு விருப்பமானால் அதின் விலையை வெள்ளியாய்க் கொடுப்பேன்” என்றான்.

³நாபோத்து ஆகாபை நோக்கி: “என் பிதாக்களின் சுதந்தரத்தை நான் உமக்குக் கொடுப்பது எங்கள் பிதாவுக்கு முன்பாக ஒருபோதும் கூடாது” என்றான். ^a a v3 எங்கள் பிதாவின் நியாயப்பிரமாணத்தின்படி, குடும்பத்திற்குரிய நிலம் தலைமுறை தலைமுறையாய்க் கைமாறி வரும் நிலையான ஒப்படைப்பாய் இருந்தது; அது என்றைக்கும் விற்றுவிடப்படக் கூடாதிருந்தது; நாபோத்து மறுத்தது பிடிவாதத்தினால் அல்ல, உண்மையுள்ளதனாலேயே.

⁴“என் முன்னோர்களின் சுதந்தரத்தை உமக்குக் கொடேன்” என்று யெஸ்ரயேலனாகிய நாபோத்து சொன்ன வார்த்தையினால், ஆகாப் சலிப்பும் கோபமும் அடைந்து தன் வீட்டிற்குப் போய், தன் படுக்கையின்மேல் படுத்துக்கொண்டு, தன் முகத்தைத் திருப்பிக்கொண்டு போஜனம் பண்ணாதிருந்தான். ⁵அப்பொழுது அவன் மனைவியாகிய யேசபேல் அவனிடத்தில் வந்து: “நீர் போஜனம் பண்ணாதபடிக்கு உம்முடைய மனம் இவ்வளவாய் விசனப்படுகிறது ஏன்?” என்று கேட்டாள்.

⁶அதற்கு அவன்: “நான் யெஸ்ரயேலனாகிய நாபோத்தை நோக்கி, ‘உன் திராட்சத்தோட்டத்தை எனக்கு விலைக்குக் கொடு, அல்லது உனக்கு விருப்பமானால் அதற்குப் பதிலாய் வேறே தோட்டத்தைக் கொடுப்பேன்’ என்று சொன்னேன்; அவனோ, ‘என் திராட்சத்தோட்டத்தை உமக்குக் கொடேன்’ என்றான்” என்று சொன்னான்.

⁷அப்பொழுது அவன் மனைவியாகிய யேசபேல் அவனை நோக்கி: “நீர் இப்பொழுது இஸ்ரவேலின்மேல் இப்படியா ராஜ்யபாரம் பண்ணுகிறீர்? எழுந்திருந்து போஜனம்பண்ணி, மனமகிழ்ச்சியாயிரும்; யெஸ்ரயேலனாகிய நாபோத்தின் திராட்சத்தோட்டத்தை நான் உமக்குக் கொடுப்பேன்” என்றாள்.

⁸அவள் ஆகாபின் பேரில் நிருபங்களை எழுதி, அவனுடைய முத்திரையைப் போட்டு, அந்த நிருபங்களை நாபோத்துடன் அவன் பட்டணத்தில் குடியிருந்த மூப்பர்களுக்கும் பிரபுக்களுக்கும் அனுப்பினாள். ⁹அந்த நிருபங்களில் அவள் எழுதினது என்னவென்றால்: “உபவாசத்தைப் பிரசித்தம்பண்ணி, நாபோத்தை ஜனங்களுக்கு முன்பாகத் தலைமையில் உட்காரவையுங்கள். ¹⁰அவனுக்கு எதிராக, ‘நீ தேவனையும் ராஜாவையும் தூஷித்தாய்’ என்று அவனுக்கு விரோதமாய்ச் சாட்சிசொல்ல, பேலியாளின் மக்களாகிய இரண்டு பேரை அவனுக்கு எதிரே உட்காரவையுங்கள்; பின்பு அவனை வெளியே கொண்டுபோய், அவன் சாகும்படிக்கல்லெறியுங்கள்” என்று எழுதினாள்.

¹¹அப்படியே அவன் பட்டணத்து மனிதராகிய, அதிலே குடியிருந்த மூப்பர்களும் பிரபுக்களும், யேசபேல் தங்களுக்கு அனுப்பின நிருபங்களில் கட்டளையிட்டிருந்தபடியே செய்தார்கள். ¹²அவர்கள் உபவாசத்தைப் பிரசித்தம்பண்ணி, நாபோத்தை ஜனங்களுக்கு முன்பாகத் தலைமையில் உட்காரவைத்தார்கள். ¹³அப்பொழுது பேலியாளின் மக்களாகிய இரண்டு பேர் வந்து அவனுக்கு எதிரே உட்கார்ந்து, ஜனங்களுக்கு முன்பாக நாபோத்துக்கு விரோதமாய்: “நாபோத்து தேவனையும் ராஜாவையும் தூஷித்தான்” என்று சாட்சிசொன்னார்கள்; உடனே அவர்கள் அவனைப் பட்டணத்திற்கு வெளியே கொண்டுபோய், அவன் சாகும்படிக்கல்லெறிந்தார்கள். ¹⁴பின்பு அவர்கள்: “நாபோத்து கல்லெறியுண்டு செத்துப்போனான்” என்று யேசபேலுக்குச் செய்திசொல்லியனுப்பினார்கள்.

¹⁵நாபோத்து கல்லெறியுண்டு செத்துப்போனான் என்று யேசபேல் கேள்விப்பட்டபோது, அவள் ஆகாபை நோக்கி: “எழுந்திரும்; யெஸ்ரயேலனாகிய நாபோத்து உமக்கு விலைக்குக் கொடுக்க மறுத்த அவனுடைய திராட்சத்தோட்டத்தைச் சுதந்தரித்துக்கொள்ளும்; நாபோத்து உயிரோடிருக்கவில்லை, அவன் செத்துப்போனான்” என்றாள்.

¹⁶நாபோத்து செத்துப்போனான் என்று ஆகாப் கேள்விப்பட்டபோது, ஆகாப் எழுந்து, யெஸ்ரயேலனாகிய நாபோத்தின் திராட்சத்தோட்டத்தைச் சுதந்தரித்துக்கொள்ளும்படி அவ்விடத்திற்குப் போனான்.

¹⁷அப்பொழுது எங்கள் பிதாவின் வார்த்தை திஸ்பியனாகிய எலியாவுக்கு உண்டாகி:

¹⁸“நீ எழுந்து, சமாரியாவிலிருக்கிற இஸ்ரவேலின் ராஜாவாகிய ஆகாபைச் சந்திக்கப் போ; இதோ, அவன் நாபோத்தின் திராட்சத்தோட்டத்தைச் சுதந்தரித்துக்கொள்ளும்படி அவ்விடத்திற்குப் போயிருக்கிறான். ¹⁹நீ அவனை நோக்கி: ‘எங்கள் பிதா சொல்லுகிறது என்னவென்றால், நீ கொலைசெய்ததுமல்லாமல், அவனுடைய சொத்தையும் கைப்பற்றிக்கொண்டாயோ?’ என்று சொல்; பின்பு அவனை நோக்கி: ‘எங்கள் பிதா சொல்லுகிறது என்னவென்றால், நாய்கள் நாபோத்தின் இரத்தத்தை நக்கின அந்த இடத்திலே உன்னுடைய இரத்தத்தையும் நாய்கள் நக்கும், ஆம், உன்னுடையதையே’ என்று சொல்” என்றார்.

²⁰ஆகாப் எலியாவை நோக்கி: “என் பகைஞனே, என்னைக் கண்டுபிடித்தாயா?” என்றான். அதற்கு அவன்: “எங்கள் பிதாவின் பார்வைக்குப் பொல்லாப்பானதைச் செய்கிறதற்கு உன்னை நீயே விற்றுப்போட்டபடியால் உன்னைக் கண்டுபிடித்தேன்.

²¹இதோ, நான் உன்மேல் தீங்கை வரப்பண்ணி, உன்னை நிர்மூலமாக்கி, ஆகாபுக்குரிய அடிமையும் சுயாதீனனுமாகிய ஒவ்வொரு ஆண்பிள்ளையையும் இஸ்ரவேலில் அறுத்துப்போட்டு, ²²உன் வீட்டை நேபாத்தின் குமாரனாகிய யெரொபெயாமின் வீட்டைப்போலவும் அகியாவின் குமாரனாகிய பாஷாவின் வீட்டைப்போலவும் ஆக்குவேன், நீ எனக்குக் கோபம் மூட்டி, இஸ்ரவேலைப் பாவஞ்செய்யப்பண்ணினபடியால்.” ²³யேசபேலைக்குறித்தும் எங்கள் பிதா பேசி: “யெஸ்ரயேலின் மதிலருகே யேசபேலை நாய்கள் தின்னும். ²⁴ஆகாபுக்குரியவர்களில் பட்டணத்தில் சாகிறவனை நாய்கள் தின்னும், வெளியிலே சாகிறவனை ஆகாயத்துப் பறவைகள் தின்னும்.”

²⁵தன் மனைவியாகிய யேசபேலால் தூண்டிவிடப்பட்டு, எங்கள் பிதாவுக்கு முன்பாகப் பொல்லாப்பானதைச் செய்கிறதற்கு தன்னைத்தானே விற்றுப்போட்ட ஆகாபைப்போல் ஒருவனும் இருந்ததில்லை. ²⁶எங்கள் பிதா இஸ்ரவேலருக்கு முன்பாகத் துரத்திவிட்ட எமோரியர் செய்ததுபோல, அவன் விக்கிரகங்களைப் பின்பற்றி, மகா அருவருப்பானதைச் செய்தான்.

²⁷ஆகாப் இந்த வார்த்தைகளைக் கேட்டபோது, தன் வஸ்திரங்களைக் கிழித்து, தன் சரீரத்தின்மேல் இரட்டை உடுத்திக்கொண்டு, உபவாசம்பண்ணி, இரட்டிலே கிடந்து, தாழ்மையாய் நடந்துகொண்டான்.

²⁸அப்பொழுது எங்கள் பிதாவின் வார்த்தை திஸ்பியனாகிய எலியாவுக்கு உண்டாகி:

²⁹“ஆகாப் எனக்கு முன்பாகத் தன்னைத் தாழ்த்தினதைக் கண்டாயா? அவன் எனக்கு முன்பாகத் தன்னைத் தாழ்த்தினபடியால், நான் அவனுடைய நாட்களில் அந்தத் தீங்கை வரப்பண்ணாமல், அவன் குமாரனுடைய நாட்களில் அவன் வீட்டின்மேல் அதை வரப்பண்ணுவேன்” என்றார்.