Mithali 22

22 ¹Jina jema lachaguliwa kuliko utajiri mkuu, na kibali ni bora kuliko fedha au dhahabu. ²Tajiri na maskini hukutana pamoja; Baba yetu ndiye Muumba wao wote. ³Mwenye busara huona hatari na kujificha, bali wajinga huendelea mbele nao hupata adhabu. ⁴Thawabu ya unyenyekevu na kumcha Baba yetu ni utajiri na heshima na uzima. ⁵Miiba na mitego iko katika njia ya wakaidi; yeye alindaye nafsi yake hukaa mbali nayo. ⁶Mlee mtoto katika njia impasayo ⁷Tajiri hutawala juu ya maskini, na mkopaji ni mtumwa wa mkopeshaji. ⁸Yeye apandaye udhalimu atavuna msiba, na fimbo ya ghadhabu yake itakoma. ⁹Yeye aliye na jicho la ukarimu atabarikiwa, kwa maana huwagawia maskini mkate wake. ¹⁰Mfukuze mwenye dharau, na ugomvi utaondoka pamoja naye; magombano na matukano yatakoma. ¹¹Yeye apendaye moyo safi na anenaye kwa neema atakuwa na mfalme kuwa rafiki yake. ¹²Macho ya Baba yetu hulinda maarifa, bali yeye hupindua maneno ya msaliti. ¹³Mtu mvivu husema, "Kuna simba nje! Nitauawa barabarani!" ¹⁴Kinywa cha wanawake waliokatazwa ni shimo refu; yeye avutaye hasira ya Baba yetu ataangukia humo. ¹⁵Upumbavu umefungwa ndani ya moyo wa mtoto, bali fimbo ya adabu huufukuzia mbali. ¹⁶Yeye amwoneaye maskini ili kujitajirisha, au ampaye tajiri, atafikia umaskini tu.

Sikiliza Vyema

¹⁷Sikiliza kwa makini maneno ya wenye hekima, na uutie moyo wako katika maarifa yangu, ¹⁸kwa maana itakuwa jambo la kupendeza ukiyaweka ndani yako, kama yote yakiwa tayari midomoni mwako. ¹⁹Ili tumaini lako liwe kwa Baba yetu, nimeyafanya yajulikane kwako leo, naam kwako wewe. ²⁰Je, sikukuandikia mausia thelathini ya shauri na maarifa, ²¹ili kukufundisha yaliyo sawa na kweli, upate kuwapa jibu la kweli wale waliokutuma?

²²Usimnyang'anye maskini kwa sababu ni maskini, wala usimponde mtu aliyeteswa langoni, ^a a v22 Lango la mji ndipo palipofanyika mashauri ya sheria na shughuli za watu wote katika miji ya kale. ²³kwa maana Baba yetu atawatetea shauri lao, naye atawanyang'anya uhai wale wanaowanyang'anya.

²⁴Usifanye urafiki na mtu mwenye hasira, wala usiende na mtu mwenye ghadhabu kali, ²⁵usije ukajifunza njia zake na kujinasa katika mtego.

²⁶Usiwe mmoja wa wale watiao rehani, wale wawekao dhamana kwa ajili ya madeni. ²⁷Kama huna cha kulipa, kwa nini kitanda chako kiondolewe chini yako?

²⁸Usiuondoe mpaka wa zamani wa kale ulioseiuwekwa na baba zako.

²⁹Je, wamwona mtu aliye stadi katika kazi yake? Atasimama mbele ya wafalme; hatasimama mbele ya watu wa kawaida.